भारताच्या ताफ्यात लवकरच रशियन एस-४००; अमेरिका निर्बंध लादणार?

वॉशिंग्टन: चीनसोबत सुरू असलेल्या वादाच्या पार्श्वभूमीवर भारतीय संरक्षण दलाच्या ताफ्यात लवकरच रशियाचे ब्रह्मास्त्र एस-४०० मिसाइल डिफेन्स सिस्टीम दाखल होण्याची दाट शक्यता आहे. भारतीय हवाई दलाचे चीफ एअर मार्शल व्ही. आर. चौधरी यांनी या वर्षाच्या अखेरपर्यंत रशियन बनावटीचे एस-४०० हवाई दलाच्या ताफ्यात दाखल होईल असे म्हटले होते. या दरम्यान, आता अमेरिका भारताला झटका देण्याची शक्यता आहे.

भारताने रशियाकडून एस-४०० एअर डिफेनस सिस्टिम घेण्यास अमेरिकेने विरोध केला आहे. अमेरिकेने याआधीदेखील भारत-रशियाच्या या करारावर नाराजी व्यक्त केली होती. रशियाऐवजी अमेरिकेकडून भारताने एअर डिफेन्स सिस्टिम खरेदी करावी अशी अमेरिकेची इच्छा होती, असे म्हटले जाते. मात्र, रशियन एस-४०० च्या तुलनेत अमेरिकेची एअर डिफेन्स सिस्टिम कमी प्रभावी असल्याचे तज्ज्ञांनी म्हटले. भारताने याआधीदेखील अमेरिकेला ही बाब लक्षात आणून दिली.

चीनकडून पूर्व लडाख सीमेवर जुळवाजुळव सुरूच; लष्करी तळ बळकट करण्यावर भर
रशियाकडून भारत खरेदी करत असलेल्या एस-४०० एअर डिफेन्स सिस्टिमनंतर आता अमेरिकेकडून भारतावर निर्बंध लावले जाण्याची शक्यता आहे. बायडन प्रशासनाने रशियाला प्रमुख शत्रू मानले आहे. बायडन यांनी सत्ता हाती घेताच रशियासोबतच्या संबंधामध्ये तणाव निर्माण झाला आहे. तुर्कीनेदेखील रशियाकडून एस-४०० एअर डिफेन्स सिस्टिम खरेदी केली आहे. त्यानंतर अमेरिकेने तुर्कीवर निर्बंध लादले आहेत.

‘आकाश प्राइम क्षेपणास्त्र’ ची चाचणी, भारताची ‘पॉवर’ वाढली, पाहा कोणती टेक्नोलॉजी वापरली
चीननेही तैनात केले एस-४००

भारताने रशियाकडून ५.४ अब्ज डॉलर एवढ्या किंमती एस-४०० एअर डिफेन्स खरेदी केला आहे. या वर्षी नोव्हेंबर महिन्यापासून हे एअर डिफेन्स सिस्टिम भारतात दाखल होण्यास सुरुवात होईल. चीननेदेखील भारतीय सीमेजवळ एस-४०० मिसाइल डिफेन्स सिस्टिम तैनात केली आहे. त्यामुळे भारतीय लष्कराच्या ताफ्यात एस-४०० दाखल होणे ही महत्त्वाची बाब ठरणार आहे.

भारत रशियाकडून सर्वाधिक शस्त्रे खरेदी करतो. तर, अमेरिकेकडूनही भारत शस्त्रखरेदी करतो. अपाचे हेलिकॉप्टर, चिनूक आणि पी-८ आय विमान भारताने अमेरिकेकडून खरेदी केले आहे.