चेन्नईने २०० धावा केल्या तरी विजयाची हमी नाही; KKR देऊ शकतो मोठा धक्का


दुबई: आयपीएलच्या १४व्या हंगामात आज होणाऱ्या फायनल सामन्यात महेंद्र सिंह धोनीच्या नेतृत्वाखाली चेन्नई सुपर किंग्जची लढत इंग्लंडचा वर्ल्डकप विजेता कर्णधार इयॉन मॉर्गनच्या नेतृत्वाखाली खेळणाऱ्या कोलकाता नाईट रायडर्स विरुद्ध होणार आहे. दुबई आंतरराष्ट्रीय स्टेडियवर आयपीएलचे सोने कोण लुटणार याची उत्सुकता सर्वांना लागली आहे.

वाचा- CSK vs KKR IPL Final: IPLचे सोनं कोण लुटणार? चेन्नई विरुद्ध कोलकाता फायनलचे एक्स फॅक्टर

आयपीएलच्या आजपर्यंत झालेल्या १३ हंगामात चेन्नई सुपर किंग्जने ३ तर केकेआरने दोन वेळा विजेतेपद मिळवले आहे. चेन्नईने खेळलेल्या १२ पैकी ९ हंगामात अंतिम फेरीत प्रवेश केलाय. त्यापैकी पाच लढतीत त्यांचा पराभव झाला आहे. या उटल केकेआरने दोन वेळा अंतिम फेरीत प्रवेश करून दोन्ही वेळा विजेतेपद मिळवले आहे. केकेआरने अखेरचे विजेतेपद २०१४ साली तर चेन्नईने २०१८ साली मिळवले होते. चेन्नईची सर्व विजेतेपद धोनीच्या तर केकेआरची दोन्ही विजेतेपद गौतम गंभीरच्या नेतृत्वाखाली मिळाली आहेत.

वाचा- आजवर कोणाला न जमलेला वर्ल्ड रेकॉर्ड उद्या होणार; धोनी ठरणार जगातील पहिला…

केकेआरने त्याचे पहिले विजेतेपद २०१२ साली चेन्नईचा पराभव करून मिळवले होते. तेव्हा चेन्नईला जेतेपदाची हॅटट्रिक करण्याची संधी होती. अंतिम सामन्यात चेन्नईने प्रथम फलंदाजी करत १९० धावा केल्या होत्या. केकेआरने विजयाचे लक्ष्य २ चेंडू आणि पाच विकेट राखून मिळवले होते. चेन्नईला अंतिम सामन्यात १९० या मोठ्या धावसंख्येचा बचाव करता आला नव्हता. त्यानंतर केकेआरने २०१४ साली अंतिम सामन्यात पंजाब किंग्जचा पराभव केला होता. त्या सामन्यात देखील केकेआरने मोठ्या लक्ष्याचा यशस्वी पाठलाग केला होता. पंजाबने प्रथम फलंदाजी करत १९९ धावा केल्या होत्या. तर केकेआरने ३ चेंडूत आणि ३ विकेट राखून विजय साकारला होता.

वाचा- IPL फायनलमध्ये चेन्नई सुपर किंग्जचा पराभव निश्चित; या एका गोष्टीचे धोनीकडे उत्तर नाही

केकेआरची अंतिम सामन्यातील विजयाची टक्केवारी १०० इतकी आहे. तर चेन्नईने ८ पैकी फक्त ३ वेळा विजय मिळवला आहे. इतक नव्हे तर केकेआरने दोन्ही फायनल सामन्यात मोठ्या लक्ष्याचा यशस्वी पाठलाग करून विजेतेपद मिळवले आहे. यामुळे आजच्या सामन्यात केकेआरचे पारडे जड आहे. गेल्या काही सामन्यात केकेआरची कामगिरी कमालीची चांगली झाली आहे. त्यांनी पहिल्या सत्रात ७ पैकी फक्त २ सामन्यात विजय मिळवला होता. त्यानंतर दुसऱ्या सत्रात ७ पैकी ५ सामन्यात विजय मिळवून प्ले ऑफमध्ये स्थान मिळवले. प्लेऑफमध्ये प्रथम आरसीबीचा आणि नंतर दिल्ली कॅपिटल्सचा पराभव केला.



Source link

Leave a Reply

Your email address will not be published. Required fields are marked *

%d bloggers like this: