पंढरपुर शहर पोलीस ठाणे गुन्हे प्रकटीकरण शाखेची सातत्याने धडाकेबाज दमदार कामगिरी
पंढरपुर शहरामध्ये कंबरेला पिस्टल लावुन फिरणाऱ्यास घेतले ताब्यात
पंढरपूर / ज्ञानप्रवाह न्यूज,दि.२०/०२/२०२५ – दि.२०/०२/ २०२५ रोजी पंढरपुर गुन्हे प्रकटीकरण पथकास मिळालेल्या गोपनीय माहितीनुसार जुना दगडी पुलाजवळ नविन पुलाचे खाली गाळा क्र.०३ मध्ये एक इसम संशयितपणे वावरताना दिसला.त्यास पोलीस पथक पकडण्यास जात असताना तो पळून जाण्याच्या तयारीत असताना त्यास पोलीसांनी गराडा घालुन जागीच पकडले.
पकडलेले इसमास त्याचे नाव पत्ता विचारले असता त्याने आपले नाव लखन चंद्रकांत ननवरे वय ३५ वर्षे रा.अंबाबाई पटांगण, पंढरपूर ता. पंढरपूर जि.सोलापूर असे असलेचे सांगितले.पकडलेल्या इसमाच्या अंगझडतीमध्ये कमरेचे उजव्या बाजूस एक लोखंडी देशी बनावटीचे एक पिस्टल मॅक्झीन सह मिळाले.पकडलेले इसमास पिस्टल वापरण्याच्या परवान्याबाबत विचारले असता त्याने नसल्याचे सांगितल्याने त्यास पंढरपुर शहर पोलीस ठाणेस आणुन पंढरपुर शहर पोलीस ठाणे गु.र.नं. ११६/ २०२५ भारतीय हत्यार कायदा १९५९ चे कलम ३ व २५ प्रमाणे व महाराष्ट्र पोलीस कायदा कलम १३५ प्रमाणे फिर्याद दाखल केली आहे.
सदरची कामगीरी ही सोलापूर ग्रामीणचे पोलीस अधिक्षक अतुल कुलकर्णी,अपर पोलीस अधिक्षक प्रितमकुमार यावलकर, उपविभागीय पोलीस अधिकारी पंढरपूर विभाग डॉ. अर्जुन भोसले,वरिष्ठ पोलीस निरीक्षक विश्वजीत घोडके पंढरपूर शहर पोलीस ठाणे यांचे मार्गदर्शनाखाली गुन्हे प्रकटीकरण शाखेचे सहायक पोलीस निरीक्षक आशिष कांबळे,पो.स.ई.राजेश गोसावी,स.पो.फौ.शरद कदम, स.पो. फौ. कल्याण ढवणे,पो.ह.सिरमा गोडसे,पो.ह.सुरज हेंबाडे, पो.ह.प्रसाद औटी,पो.ह.सचिन हेंबाडे,पोह विठ्ठल विभुते, पो.शि.शहाजी मंडले,पो.शि.समाधान माने,पो.कॉ.बजरंग बिचुकले,पो.कॉ.निलेश कांबळे तसेच सायबर शाखा सोलापुर ग्रामीण चे पो.शि.रतन जाधव यांनी केली आहे.
