२६/११ दहशतवादी हल्ल्यातील आरोपी तहव्वुर राणाच्या कोठडीत १२ दिवसांची वाढ, एनआयए न्यायालयाचा निर्णय

[ad_1]

Delhi News: तहव्वुर राणाच्या कोठडीत वाढ करण्यात आली आहे. २६/११ दहशतवादी हल्ल्यातील आरोपी तहव्वुर राणा याची एनआयए न्यायालयाने १२ दिवसांची कोठडी वाढवली आहे. तहव्वुर राणा यांना दिल्लीतील पटियाला हाऊस कोर्टातून ताब्यात घेण्यात आले. येथील राष्ट्रीय तपास संस्थेच्या (एनआयए) न्यायालयाने त्याच्या कोठडीचा कालावधी १२ दिवसांनी वाढवला आहे.

ALSO READ: 'दहशतवाद संपला पाहिजे पण त्यावर राजकारण होऊ नये', पहलगाम हल्ल्यानंतर अबू आझमी यांचे मोठे विधान

तसेच २६/११ च्या मुंबई हल्ल्यातील मुख्य सूत्रधारांमध्ये तहव्वुर हुसेन राणा हे एक महत्त्वाचे नाव आहे. तहव्वुर हुसेन राणा हा पाकिस्तानी वंशाचा कॅनेडियन नागरिक आहे. अमेरिकेचे राष्ट्राध्यक्ष डोनाल्ड ट्रम्प यांनी १३ फेब्रुवारी २०२५ रोजी पंतप्रधान नरेंद्र मोदी यांच्यासोबत व्हाईट हाऊसमध्ये संयुक्त पत्रकार परिषदेत तहव्वुर राणाच्या प्रत्यार्पणाची घोषणा केली. “आम्ही मुंबई हल्ल्याचा आरोपी असलेल्या एका अतिशय धोकादायक व्यक्तीला भारताच्या स्वाधीन करत आहोत,” असे ट्रम्प म्हणाले. ११ फेब्रुवारी २०२५ रोजी अमेरिकेच्या परराष्ट्र खात्याच्या सचिवांनी या निर्णयाला औपचारिक मान्यता दिली. तहव्वुर हुसेन राणा यांना ९ एप्रिल २०२५ रोजी भारतात प्रत्यार्पण करण्यात आले. तो १० एप्रिल २०२५ रोजी दिल्लीच्या पालम विमानतळावर पोहोचला आणि त्याला ताबडतोब राष्ट्रीय तपास संस्थेच्या (एनआयए) ताब्यात घेण्यात आले.

ALSO READ: Pahalgam terror attack शरद पवारांनी देशवासीयांना राजकीय मतभेद विसरून एकत्र येण्याचे आवाहन केले

Edited By- Dhanashri Naik 

ALSO READ: पोलिसांनी कारवाई करत मुंबईतील सिमेंट कंपनीवर छापा टाकला, ४ किलो ड्रग्ज जप्त

[ad_2]

Source link