मुख्यमंत्री देवेंद्र फडणवीस व उपमुख्यमंत्री अजित पवार यांच्या वाढदिवसानिमित्त मंगळवेढा तालुका मुस्लिम समाजाच्यावतीने आमदार समाधान आवताडे यांच्या मार्गदर्शनात व माध्यमातून रक्तदान शिबिर…
मंगळवेढा / ज्ञानप्रवाह न्यूज – मंगळवेढा येथे राज्याचे मुख्यमंत्री देवेंद्र फडणवीस आणि उपमुख्यमंत्री अजित पवार यांच्या वाढदिवसाचे औचित्य साधून मंगळवेढा शहरातील समस्त मुस्लिम समाजाच्या वतीने आमदार समाधान आवताडे यांच्या मार्गदर्शनात रक्तदान शिबीर पार पडले.
मंगळवेढा शहरातील हजरत पीर गैब-वो- मर्दाने गैब येथे आयोजित केलेल्या या उपक्रमासाठी मुस्लिम बांधव मोठ्या संख्येने उपस्थित होते.
या कार्यक्रमास मतदारसंघाचे आमदार समाधान आवताडे यांनी उपस्थित राहून या विधायक आणि लोकोपयोगी उपक्रमामध्ये सामील झालेल्या रक्तदात्यांचे विशेषतः महिला भगिनींचे विशेष कौतुक केले.
तसेच सामाजिक एकात्मता आणि सलोख्याची बंधुता अंगीकारणाऱ्या सदर समाज बांधवांनी अशा प्रकारे समाजसेवेचे कार्य पुढेही करत राहावे, अशा शुभेच्छा यानिमित्ताने दिल्या.
