न्यूझीलँडमधील भारतीय प्राध्यापकाला हिंदुत्ववाद्यांकडून धमकी; पोलिसांनी सुरक्षा वाढवली
वृत्तानुसार, हिंदुत्व ही हिंदू राष्ट्रवादी विचारसरणी असून भारतातील सत्ताधारी भारतीय जनता पक्षाकडून या विचारसरणीला बळ मिळत असल्याचे त्यांनी म्हटले. प्रा. दत्ता यांनी न्यूझीलँडमधील हिंदूत्ववादी विचारसरणीच्या घटकांकडे लक्ष देण्याची आवश्यकता असल्याचे म्हटले होते.
मागील महिन्यात, ऑगस्टमध्ये जहाल हिंदुत्ववादाविरोधात अमेरिकेत ऑनलाइन पद्धतीने आयोजित करण्यात आलेल्या “Dismantling Global Hindutva” या परिषदेनंतर प्रा. दत्ता यांना सोशल मीडियामधून धमक्या मिळू लागल्या. धमकी देणारे बहुतांशी हिंदुत्ववादी विचारसरणीला मानणारे होते, असे प्रा. दत्ता यांनी म्हटले. फेसबुकवर त्यांना भारतात आल्यास जिवंत जाळण्यात येईल अशीही धमकी देण्यात आली.
PM मोदींचे कौतुक करणारी बातमी व्हायरल; ‘न्यूयॉर्क टाइम्स’ने म्हटले…
अशाप्रकारच्या धमक्या भारतातील शिक्षणतज्ज्ञांना मिळत होत्या. आता मात्र, जगातील इतर देशांमधील लोकांना अशा प्रकारच्या धमक्या मिळत असल्याचे प्रा. दत्ता यांनी म्हटले.
सोशल मीडियावरून मिळणाऱ्या धमक्यांनंतर प्रा. दत्ता यांनी या महिन्याच्या सुरुवातीला तक्रार दाखल केली. अति उजव्या विचारसरणीचे, कट्टरतवादी भारतीय गट न्यूझीलँडमध्ये कार्यरत असल्याची माहिती असल्याचे पोलीस अधिकाऱ्याने ‘न्यूझीलँड हेराल्ड’ला सांगितले.
स्वत:ला पैगंबर म्हणणाऱ्या मु्ख्याध्यापिकेला मृत्यूदंडाची शिक्षा
पोलिसांनी प्रा. दत्ता यांच्या तक्रारीची दखल घेतली आहे. तर, न्यूझीलँडमधील काही भारतीय गटांनी प्रा. दत्ता यांना पाठिंबा व्यक्त केला आहे.
