न्यूझीलँडमधील भारतीय प्राध्यापकाला हिंदुत्ववाद्यांकडून धमकी; पोलिसांनी सुरक्षा वाढवली


वेलिंग्टन: न्यूझीलँडमधील प्रा. मोहन दत्ता या भारतीय वंशाच्या प्राध्यापकाच्या सुरक्षितेत वाढ करण्यात आली आहे. अति उजव्या हिंदुत्वावादावर केलेल्या टीकेनंतर त्यांना सोशल मीडियावर धमकी मिळू लागली होती. त्यानंतर न्यूझीलँडमधील पोलिसांनी त्यांच्या सुरक्षितेत वाढ केली असल्याचे वृत्त न्यूझीलँड हेराल्ड या वृत्तपत्राने दिले आहे.

प्रा. मोहन दत्ता हे मॅस्सी विद्यापीठात कार्यरत आहेत. दत्ता यांनी मे महिन्यात इस्लामोफोबिक इलेमेंट्स या संशोधन निबंधात हिंदुत्ववादी विचारसरणीवर टीका केली असल्याचे वृत्तपत्राने आपल्या वृत्तात म्हटले. प्रा. दत्ता आणि शिक्षणतज्ज्ञांनी हिंदू धर्म हा बहुलतावाद आणि लोकशाही या मूल्यांवर आधारित असल्याचे म्हटले. कट्टरतावादी हिंदुत्ववाद्यांपासून हिंदू धर्माला धोका असल्याचेही प्रतिपादन त्यांनी केले होते.

वृत्तानुसार, हिंदुत्व ही हिंदू राष्ट्रवादी विचारसरणी असून भारतातील सत्ताधारी भारतीय जनता पक्षाकडून या विचारसरणीला बळ मिळत असल्याचे त्यांनी म्हटले. प्रा. दत्ता यांनी न्यूझीलँडमधील हिंदूत्ववादी विचारसरणीच्या घटकांकडे लक्ष देण्याची आवश्यकता असल्याचे म्हटले होते.

पाकिस्तानमध्ये १२ दहशतवादी संघटनांना आश्रय; पाच संघटनांकडून भारतविरोधी कारवाया
मागील महिन्यात, ऑगस्टमध्ये जहाल हिंदुत्ववादाविरोधात अमेरिकेत ऑनलाइन पद्धतीने आयोजित करण्यात आलेल्या “Dismantling Global Hindutva” या परिषदेनंतर प्रा. दत्ता यांना सोशल मीडियामधून धमक्या मिळू लागल्या. धमकी देणारे बहुतांशी हिंदुत्ववादी विचारसरणीला मानणारे होते, असे प्रा. दत्ता यांनी म्हटले. फेसबुकवर त्यांना भारतात आल्यास जिवंत जाळण्यात येईल अशीही धमकी देण्यात आली.

PM मोदींचे कौतुक करणारी बातमी व्हायरल; ‘न्यूयॉर्क टाइम्स’ने म्हटले…
अशाप्रकारच्या धमक्या भारतातील शिक्षणतज्ज्ञांना मिळत होत्या. आता मात्र, जगातील इतर देशांमधील लोकांना अशा प्रकारच्या धमक्या मिळत असल्याचे प्रा. दत्ता यांनी म्हटले.

सोशल मीडियावरून मिळणाऱ्या धमक्यांनंतर प्रा. दत्ता यांनी या महिन्याच्या सुरुवातीला तक्रार दाखल केली. अति उजव्या विचारसरणीचे, कट्टरतवादी भारतीय गट न्यूझीलँडमध्ये कार्यरत असल्याची माहिती असल्याचे पोलीस अधिकाऱ्याने ‘न्यूझीलँड हेराल्ड’ला सांगितले.

स्वत:ला पैगंबर म्हणणाऱ्या मु्ख्याध्यापिकेला मृत्यूदंडाची शिक्षा
पोलिसांनी प्रा. दत्ता यांच्या तक्रारीची दखल घेतली आहे. तर, न्यूझीलँडमधील काही भारतीय गटांनी प्रा. दत्ता यांना पाठिंबा व्यक्त केला आहे.



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: