मंगळवेढा कृषी उत्पन्न बाजार समितीच्या निरीक्षकास जातीवाचक शिवीगाळ केल्याप्रकरणी चौघा विरुध्द गुन्हा दाखल
मंगळवेढा /ज्ञानप्रवाह न्यूज प्रतिनिधी – जातीवाचक शिवीगाळ करुन जीवे मारण्याची धमकी दिल्या प्रकरणात तु आमच्या विरोधातील कागदपत्र ऑफिसला घेवून येतो काय ? असे म्हणून कृषी उत्पन्न बाजार समितीचे निरीक्षक यांना गोपीनाथ रामचंद्र माळी रा.सराफ गल्ली मंगळवेढा, विष्णूदास बन्सीलाल मर्दा रा.मारवाडी गल्ली मंगळवेढा,इमाम हुसेन कोकणे रा.दत्तू गल्ली मंगळवेढा,महेश रामचंद्र गवळी रा. मित्रनगर मंगळवेढा या चौघांविरुध्द अनुसुचितजाती जमाती कलमान्वये गुन्हा दाखल झाला आहे.
पोलीस सुत्रांनी दिलेली माहिती अशी,यातील फिर्यादी दत्तात्रय चंद्रकांत कांबळे रा.डोणज ता.मंगळवेढा हे मंगळवेढा येथील कृषी उत्पन्न बाजार समिती मध्ये निरीक्षक म्हणून काम करीत आहेत.कृषी उत्पन बाजार समितीचे गाळा व प्लॉटच्या संदर्भातील कायदेशीर कामे असतात ते फिर्यादी करत आहेत. वरील आरोपी हे कृषी उत्पन्न बाजार समितीचे गाळेधारक असून त्यांना गाळे भाडे मान्य नसल्या कारणाने त्यांनी कृषी उत्पन्न बाजार समितीच्या विरोधात सहाय्यक निबंधक सहकारी संस्था मंगळवेढा यांच्याकडे अपिल दाखल केले आहे.
त्या अपिलाची सुनावणीकरिता फिर्यादी हे सर्व कागदपत्रे घेवून व बाजार समितीचे सचीव सचिन देशमुख असे दोघे जातात. दि. 23 जानेवारी रोजी सकाळी 11.30 वाजता नमुद प्रकरणाची सुनावणी असल्याने ते दोघे कागदपत्रे घेवून निबंधक कार्यालय येथे दुपारी 12.15 वाजता गेले होते. सुनावणी झाल्यानंतर फिर्यादी व सचिव सचिन देशमुख हे ऑफिसच्या बाहेर आल्यानंतर वरील आरोपींनी तु आमच्या विरोधातील कागदपत्रे ऑफिसला घेवून येतो काय ? असे म्हणून शिवीगाळी,दमदाटी करुन तुला लय मस्ती आली आहे काय ? असे म्हणत तु नोकरी करायच्या लायकीचा नाही, तु मंगळवेढ्यात कसा राहतो ते आम्ही बघून घेतो असे म्हणत दमदाटी करत जीवे मारण्याची धमकी दिली असल्याचे दिलेल्या फिर्यादीत कांबळे यांनी म्हटले आहे.याचा अधिक तपास मंगळवेढ्याचे डी.वाय.एस.पी.विक्रांत गायकवाड हे करीत आहेत.
