सहकारी संस्थांमध्ये विश्वस्त म्हणून काम केल्यास सहकाराचे भविष्य उज्वल – माजी आमदार प्रशांत परिचारक
संस्थांनी कर्जवाटप व वसुलीएवढाच एक कलमी कार्यक्रम न राबवता व्यावसायिक दृष्टिकोन ठेवून समाजोपयोगी उपक्रम राबवावेत-माजी आमदार प्रशांत परिचारक
पंढरपूर/ज्ञानप्रवाह न्यूज- केंद्र शासनाच्या सहकार विभागाच्या धोरणानुसार प्राथमिक विविध कार्यकारी सेवा सहकारी संस्थांना सक्षम करण्यासाठी १५१ उद्योगांना उभारणी करण्याची परवानगी संस्थांना दिली आहे. त्यानुसार संस्थांनी कर्जवाटप व वसुलीएवढाच एक कलमी कार्यक्रम न राबवता व्यावसायिक दृष्टिकोन ठेवून समाजोपयोगी उपक्रम राबवावेत.
आता संगणकीकरणामुळे संस्थांच्या लेखापद्धती मध्ये पारदर्शकता आली असून सहकारी संस्थांमध्ये विश्वस्त म्हणून काम केल्यास सहकाराचे भविष्य उज्वल आहे, असे प्रतिपादन सोलापूर विधानपरिषदेचे माजी आमदार प्रशांत परिचारक यांनी पंढरपूर तालुका गटसचिव संघटना व डीसीसी बँक कर्मचारी यांच्या संयुक्त विद्यमाने पंढरपूर तालुक्यातील शंभर टक्के कर्ज वसुली करणाऱ्या विविध कार्यकारी सोसायटीच्या पदाधिकाऱ्यांचा सत्कार समारंभ प्रसंगी बोलताना केले.माजी आमदार प्रशांत परिचारक यांच्या हस्ते विविध कार्यकारी सोसायटीच्या पदाधिकाऱ्यांचा सत्कार आयोजित करण्यात आला होता.
कर्मयोगी सुधाकरपंत परिचारक श्री पांडुरंग सहकारी साखर कारखान्याचे माजी चेअरमन दिनकर भाऊ मोरे हे या कार्यक्रमाच्या अध्यक्षस्थानी होते.
याप्रसंगी सोलापूर जिल्हा बँकेचे व्यवस्थापकपदी मिलिंद देशपांडे, विभाग प्रमुख पदी दादासाहेब सावंत, सीनियर बँक इन्स्पेक्टर पदी तानाजी मोरे,भारत झांबरे यांची पदोन्नतीने नियुक्ती झाल्याबद्दल माजी आमदार प्रशांत परिचारक यांच्या हस्ते सन्मान करण्यात आला.
तसेच सेवानिवृत्तीनिमित्त सुधीर भाळवणकर, मधुकर पवार, भीमराव माने, तात्या लोखंडे, बाळासाहेब शिंदे, शिवाजी क्षीरसागर, मोहन कसबे,शंकर कावडे,अशोक लंगोटे यांचा सन्मान करण्यात आला. यावेळी कारखान्याचे उपाध्यक्ष कैलास खुळे, कृषी उत्पन्न बाजार समितीचे सभापती हरीश गायकवाड, राजूबापू गावडे, युवा नेते प्रणव परिचारक,पांडुरंग कारखान्याचे संचालक, मार्केट कमिटीचे संचालक उपस्थित होते.
या कार्यक्रमाचे सूत्रसंचालन नवनाथ पाटोळे व विजय मोकळे यांनी केले.प्रास्ताविक बंडू गुरव यांनी केले. आभार प्रदर्शन मधुकर कदम यांनी केले. हा कार्यक्रम यशस्वी करण्यासाठी पंढरपूर तालुका गट सचिव संघटनेच्या सर्व पदाधिकाऱ्यांनी व सभासदांनी प्रयत्न केले.
