uttarakhand rain : बापरे! उत्तराखंडमध्ये पावसाचे तांडव, १०७ वर्षांचा विक्रम मोडला; एकूण ४६ जणांचा मृत्यू


डेहराडूनः उत्तराखंडमध्ये आपत्तीच्या पावसाने सर्वत्र कहर केला आणि १०७ वर्षांचा विक्रमही ( rains hit uttarakhand ) मोडला आहे. कुमाऊंतील मुक्तेश्वरमध्ये पावसाने तर तब्बल १०७ वर्षांचा विक्रम मोडला आहे. पंतनगरमध्ये ३१ वर्षांचा विक्रम मोडला आहे. मुक्तेश्वरमध्ये गेल्या २४ तासांत ३४०.८ मिमी पाऊस पडला आहे. यापूर्वी १०८ वर्षांपूर्वी १८ सप्टेंबर १९१४ ला मुक्तेश्वरमध्ये २५४.५ मिमी पाऊस पडला होता.

पावसाने मुक्तेश्वरमध्ये १०७ आणि पंतनगरमध्ये ३१ वर्षांचा विक्रम मोडला

उत्तराखंडमध्ये १७ ऑक्टोबर ते १९ ऑक्टोबर दरम्यान विनाशकारी पाऊस झाला. हवामान खात्याने अतिवृष्टीचा इशारा आधीच दिला होता. त्या दृष्टीने सर्व जिल्ह्यांना अलर्ट करण्यात आले होते. पण कुमाऊंमध्ये इतका पाऊस पडला की जुने सर्व विक्रम मोडले गेले आणि अनेकांना जीव गमवावा लागला. मुक्तेश्वरमध्ये पावसाने १०७ वर्ष जुना विक्रम मोडला आहे. तर पंतनगरमध्ये २४ तासांत ४०३.९ मिमी पावसाने गेल्या ३१ वर्षांचा विक्रम मोडला आहे. पंतनगरमध्ये यापूर्वी १९९० मध्ये २२८ मिमी पाऊस झाला होता, अशी माहिती हवामान खात्याने दिली.

राज्यात कुठे किती पाऊस पडला?

गेल्या तीन दिवसांत उत्तराखंडमध्ये विक्रमी पावसाची नोंद झाली आहे. या वेळी पावसाचा केंद्रबिंदू कुमाऊं होते. तिथे पावसाचे विनाशाकरी दृश्य दिसले. चंपावतमध्ये ५८० मिमी, नैनीतालमध्ये ५३० मिमी, ज्योलीकोट ४९० मिमी, भीमताल ४०० मिमी, हल्दवानी ३०० मिमी, रुद्रपूर ४८० मिमी पाऊस पडला आहे. गढवाल भागात कोटद्वारमध्ये १४० मिमी, थालीसैन १४०, श्रीनगर १३०, जोशीमठ १९०, रुद्रप्रयाग ११०, गंगानगर १०० आणि देवप्रयागमध्ये विक्रमी १२० मिमी पाऊस पडला आहे.

uttarakhand flood : उत्तराखंडमध्ये कहर! पावसाने पूर आणि भूस्खलनात ४१ जणांचा मृत्यू, अनेक बेपत्ता

देवभूमीत पावसाच्या तांडवात आतापर्यंत ४६ मृत्यू

देवभूमी उत्तराखंडमध्ये पावसामुळे आतापर्यंत ४६ जणांचा मृत्यू झाला आहे, तर ११ जण अजूनही बेपत्ता आहेत. त्याचबरोबर आपत्तीच्या पावसामुळे १२ जण गंभीर जखमी झाले आहेत. उत्तराखंडमधील जिल्हानिहाय मृत्यूचे आकडे पाहिले तर चंपावत -५, पौडी -३, पिथोरागढ -१, नैनीताल -२८, अल्मोडा -६, उधमसिंह नगर -२ आणि बागेश्वरमध्ये एकाचा मृत्यू झाला आहे.

uttarakhand rain : देवभूमीत तांडव! उत्तराखंडमध्ये मुसळधार पावसाने २२ जणांचा मृत्यू



Source link

Leave a Reply

Your email address will not be published. Required fields are marked *

%d bloggers like this: