पंढरपूर द.ह.कवठेकर प्रशालेची मतदार जागृती रॅली

द.ह.कवठेकर प्रशालेत मतदार जागृती रॅलीचे आयोजन

पंढरपूर /ज्ञानप्रवाह न्यूज,दि.१८/११/२०२४ – पंढरपर एज्युकेशन सोसायटीच्या द.ह.कवठेकर प्रशालेत आज मतदार जागृती रॅलीचे आयोजन करण्यात आले होते.या रॅलीला पंढरपूर नगरपरिषदेचे उपमुख्याधिकारी ॲड सुनील वाळूजकर व आरोग्य अधिकारी श्री.तोडकरी यांनी झेंडा दाखवून सुरुवात केली.

या रॅलीमध्ये प्रशालेतील सकाळ सत्राच्या 700 विद्यार्थ्यांनी आपला सहभाग नोंदवला. मार्केट यार्ड, तहसील कार्यालय, तालुका शहर पोलीस स्टेशन मार्गे रॅलीचेआयोजन करण्यात आले होते.या कार्यक्रमांमध्ये विद्यार्थी, शिक्षक बंधू भगिनी व शिक्षकेतर कर्मचारी सहभागी झाले होते.

रॅलीचे नियोजन प्रशालेतील सर्व क्रीडा शिक्षकांनी केले.यावेळी सुनील वाळूजकर व श्री तोडकरी यांचा सत्कार संपन्न झाला. यावेळी बोलताना ॲड सुनील वाळूजकर यांनी मतदानाचे पवित्र कर्तव्य बजवावे याचे आवाहन पालकांसाठी केले.

या कार्यक्रमास प्रशालेचे उपमुख्याध्यापक एन.बी.बडवे सर, क्रीडाशिक्षक श्री शेलार, श्री मोरे सर,संतोष पाटोळे सर,श्री चव्हाण सर, एम.बी.कुलकर्णी सर,डी.बी.पाटोळे सर आदी उपस्थित होते.प्रशालेचे मुख्याध्यापक व्ही. एम.कुलकर्णी सर यांनी प्रास्ताविक केले. डी.बी.पाटोळे सर यांनी सूत्रसंचालन व घोषणा नियोजन केले.