सवंत्सर २०७७ ची निराशाजनक सांगता; अखेरच्या सत्रात झालेल्या नफावसुलीने सेन्सेक्स-निफ्टी गडगडले


हायलाइट्स:

  • बाजार बंद होताना सेन्सेक्स २५७ अंकांनी कोसळला आणि ५९७७१ अंकावर बंद झाला.
  • राष्ट्रीय शेअर बाजाराचा निफ्टी ६० अंकांनी घसरला आणि १७८२९ अंकावर स्थिरावला.
  • उद्या गुरुवारी संध्याकाळी ६.१५ ते ७.१५ या वेळेत मुहूर्ताचे सौदे होणार आहेत.

मुंबई : मुहूर्ताच्या सौद्यांची वाट पाहणाऱ्या गुंतवणूकदारांनी आज अखेरच्या सत्रात नफावसुली केल्याने सेन्सेक्स आणि निफ्टीमध्ये घसरण झाली. संवत्सर २०७७ ला घसरणीसह निरोप देण्यात आला. बाजार बंद होताना सेन्सेक्स २५७ अंकांनी कोसळला आणि ५९७७१ अंकावर बंद झाला. राष्ट्रीय शेअर बाजाराचा निफ्टी ६० अंकांनी घसरला आणि १७८२९ अंकावर स्थिरावला.

केंद्र सरकारचे दिवाळी गिफ्ट ! पेट्रोल-डिझेल होणार स्वस्त, उत्पादन शुल्कात मोठी कपात
आज बुधवारी दोन्ही निर्देशाकांनी सकारात्मक सुरुवात केली होती. बाजार सुरु होताच सेन्सेक्सने २५० अंकांची झेप घेतली होती. तो ६०२८२ अंकावर गेला होता. मात्र ही तेजी फारकाळ टिकली नाही. सकाळच्या सत्रात खरेदी नंतर नफावसुलीमध्ये परावर्तीत झाली. दुपारनंतर गुंतवणूकदारांनी विक्रीचा सपाटा सुरु केला आणि नफा काढून घेतला.

स्मार्ट गुंतवणूक; मुहूर्त ट्रेडिंगमध्ये काय करावे अन् काय करू नये, जाणून घ्या तज्ज्ञांचा सल्ला
बाजार बंद होताना सेन्सेक्समधील ३० पैकी १७ शेअर घसरणीसह बंद झाले. ज्यात बजाज फिनसर्व्ह, एचयूएल, एचडीएफसी, रिलायन्स इंडस्ट्रीज, ऍक्सिस बँक, महिंद्रा अँड महिंद्रा, मारुती, बजाज ऑटो, आयटीसी, पॉवरग्रीड, टायटन, एचडीएफसी बँक, आयसीआयसीआय बँक, कोटक बँक, भारती एअरटेल, इंडसइंड बँक, सन फार्मा या शेअरमध्ये घसरण झाली.

धनत्रयोदशीनंतर स्वस्त झालं सोनं ! जाणून घ्या तुमच्या शहरातील आजचा सोने-चांदीचा दर
एल अँड टी , एशियन पेंट्स, अल्ट्राटेक सिमेंट, एसबीआय, बजाज फायनान्स, टाटा स्टील, डॉ. रेड्डी लॅब, एचसीएल टेक, एनटीपीसी, इन्फोसिस, टीसीएस हे शेअर तेजीसह बंद झाले. निफ्टीमधील ५० पैकी २७ शेअर घसरणीसह बंद झाले. तर २३ शेअरमध्ये वाढ झाली. आज पुन्हा एकदा रियल्टी शेअरला मागणी दिसून आली. आजच्या सत्रात शोभा, ओबेराय रियल्टी आदी शेअर वधारले. त्याचबरोबर माझगाव डॉक शीपबिल्डर्सच्या शेअरमध्ये ८ टक्के वाढ झाली. यावर्षी ४ नोव्हेंबर रोजी गुरुवारी मुहूर्त ट्रेडिंग प्री-सेशन १८:०० ते १८:०८ दरम्यान होईल, तर मुख्य सत्र १८:१५ ते १९:१५ दरम्यान शेड्यूल केले जाईल.



Source link

Leave a Reply

Your email address will not be published. Required fields are marked *

%d bloggers like this: