farmers stop screening of sooryavanshi : शेतकऱ्यांचा आता अक्षय कुमारला विरोध; ‘सूर्यवंशी’ चित्रपटाचे प्रदर्शन रोखले

चंदिगडः पंजाबमध्ये अक्षय कुमारच्या ‘सूर्यवंशी’ चित्रपटाला शेतकरी संघटनांकडून विरोध होत आहे. बर्नाला, होशियारपूर, जलालाबाद, मोगा आणि जिरकपूरमध्ये शेतकरी संघटनांनी विरोध केला आहे. अनेक चित्रपटगृहांमध्ये प्रदर्शित झालेल्या अक्षय कुमार स्टारर ‘सूर्यवंशी’ चित्रपटाचा शो बंद पाडला आणि पोस्टरही फाडले.

केंद्राच्या तीन नवीन कृषी कायद्यांना विरोध करणाऱ्या शेतकऱ्यांच्या गटाने शनिवारी होशियारपूरमधील पाच सिनेमागृहांमध्ये “सूर्यवंशी” चित्रपटाचे प्रदर्शन रोखले. त्यांच्यापैकी काहींनी तर चित्रपटगृहांबाहेर चित्रपटाचे पोस्टर फाडले. शेतकरी आंदोलनाला अभिनेता अक्षय कुमारने पाठिंबा दिलेला नाही. याचा निषेध म्हणून चित्रपटाचे प्रदर्शन रोखत आहोत, असं आंदोलकांनी सांगितलं.

बर्नाला येथे भारतीय किसान युनियन (कादियां) चे जिल्हाध्यक्ष स्वरण धुग्गा यांच्या नेतृत्वाखाली संघटनेच्या कार्यकर्त्यांनी अक्षय कुमारच्या चित्रपटाच्या प्रदर्शनाविरोधात स्थानिक शहीद उधम सिंग पार्क ते स्वर्ण सिनेमा असा निषेध मोर्चा काढला. शेतकरी आंदोलनाच्या समर्थनार्थ न बोलल्याबद्दल अभिनेता अक्षय कुमारचा निषेध केला.

pm modi tops in global leader approval : PM मोदी जगातील सर्वाधिक लोकप्रिय नेते, मिळाली ७० टक्के पसंती

केंद्राचे नवीन कृषी कायदे रद्द होत नाहीत तोपर्यंत अक्षय कुमारचे चित्रपट दाखवू देणार नाही, भूमिका आंदोलकांनी घेतली आहे. तिन्ही कृषी कायदे रद्द करण्याची मागणी करणारे शेकडो शेतकरी गेल्या वर्षी नोव्हेंबरपासून दिल्लीच्या सीमेवर तळ ठोकून आहेत.

Haryana: शेतकरी आंदोलकांना म्हटलं ‘बेरोजगार दारुडे’, भाजप खासदाराच्या गाडीच्या काचा फोडल्या