Chhattisrgarh: CRPF जवानाचा सहकाऱ्यांवर गोळीबार, कारण आलं समोर…


हायलाइट्स:

  • सुकमा जिल्ह्यातील लिंगमपल्ली गावातील घटना
  • चार जवानांनी गमावले प्राण, तीन जण गंभीर जखमी
  • आरोपी जवानाचं मानसिक संतुलन ढासळल्यानं घडली घटना, अधिकाऱ्यांची माहिती

नवी दिल्ली : केंद्रीय राखील पोलीस दलाकडून सोमवारी छत्तीसगडमध्ये घडलेल्या घटनेचं स्पष्टीकरण देण्यात आलंय. आपल्या सहकाऱ्यांवर गोळीबार करणारा सीआरपीएफचा जवान ‘भावनात्मक तणावाला’ सामोरा जात होता. अचानक मानसिक संतुलन गमावल्यानंतर त्यानं आपल्याच सहकाऱ्यांवर अंदाधुंद गोळीबार केला, असं सीआरपीएफ अधिकाऱ्यांनी म्हटलंय. या गोळीबारात चार जवानांना आपले प्राण गमवावे लागलेत तर तीन जवान गंभीररित्या जखमी झाले आहेत.

सीआरपीएफच्या कॅम्पमध्ये गोळीबार करणाऱ्या जवानाचं नाव रितेश रंजन असल्याचं समजतंय.

PHOTO: प्रदूषणानं फेसाळलेल्या यमुनेच्या पाण्यात श्रद्धेची डुबकी!

छत्तीसगडच्या सुकमा जिल्ह्यातील लिंगमपल्ली गावात स्थित सीआरपीएफच्या ५० व्या बटालियनच्या शिबिरात ही घटना घडली.

प्राथमिकदृष्ट्या, भावनात्मक तणावाखाली असलेल्या कॉन्स्टेबल रितेश रंजन या जवानानं अचानक आपलं मानसिक संतुलन गमावलं आणि रागाच्या भरात आपल्या सहकाऱ्यांवर एके ४७ रायफलमधून गोळ्या झाडल्या, अशी माहिती केंद्रीय राखीव पोलीस दलाच्या अधिकाऱ्यांनी दिलीय.

Chhattisgarh: छत्तीसगडमध्ये ४ CRPF जवान ठार; जवानानेच केला घात
बहिणीचा पती दुसरं लग्न करणार होता, त्याआधीच सैन्यातील मेहुण्यानं उचललं भयंकर पाऊल

सीआरपीएफच्या प्रवक्त्यांनी दिलेल्या माहितीनुसार, स्थानिक पोलिसांकडून या प्रकरणाचा अधिक तपास सुरू आहे. या प्रकरणात योग्य ती कायदेशीर कारवाई केली जाईल.

तसंच केंद्रीय राखीव पोलीस दलानं घटनेमागच्या विस्तृत कारणं शोधून काढण्याचे तसंच उपचारात्मक उपाय सुचवण्याचे आदेश दिले आहेत.

सीआरपीएफचे उपमहानिरीक्षक (DIG), ५० व्या बटालियनचे कमांडन्ट आणि इतर वरिष्ठ अधिकारी घटनास्थळावर उपस्थित आहेत.

जखमींना आवश्यक ते उपचार पुरवण्यात उपलब्ध करून देण्यात आले आहेत. तसंच ज्या जखमींना अतिरिक्त उपचाराची आवश्यकता आहे त्यांना दुसऱ्या रुग्णालयात हलवण्याची व्यवस्थाही करण्यात आल्याची माहिती, अधिकाऱ्यांनी दिलीय.

शेतकरी आंदोलन: सत्यपाल मलिकांच्या भाषणात इंदिरा गांधींच्या हत्येचा उल्लेखराष्ट्रपतींच्या हस्ते पार पडला ‘पद्म’ पुरस्कार वितरण सोहळा, देश-विदेशातील ११९ मान्यवरांचा सन्मान



Source link

Leave a Reply

Your email address will not be published. Required fields are marked *

%d bloggers like this: