टी-२० क्रिकेटमध्ये नवा वर्ल्ड रेकॉर्ड; या खेळाडूने सलग ४ षटकात केली ऐतिहासिक कामगिरी


नागपूर: काही वर्षांपूर्वी सय्यद मुश्ताक अली क्रिकेट स्पर्धेत खेळताना दोन्ही हातांनी गोलंदाजी करणारा गोलंदाज म्हणून यवतमाळच्या अक्षय कर्णेवार याने क्रिकेट जगताचे लक्ष वेधून घेतले होते. आता पुन्हा याच स्पर्धेत अक्षयने विश्वविक्रम केला आहे. ट्वेंटी-२० क्रिकेट सामन्यात गोलंदाजीत चारही षटके निर्धाव टाकण्याची कामगिरी त्याने केली आहे. सोबतच दोन गडीही त्याने बाद केले. आंध्र प्रदेशातील विजयवाडा येथे प्लेट ग्रुपमध्ये मणिपूरविरुद्धच्या लढतीत अक्षयने ही कामगिरी केली.

वाचा- शोएब अख्तरला बसला १० कोटी दणका; Live टीव्ही शोमध्ये केला होता राडा

या सामन्यात डावखुरी गोलंदाजी करत अक्षयने मणिपूरच्या फलंदाजांना बांधून ठेवत सलग २४ चेंडू निर्धाव टाकले. यापूर्वी हा विक्रम चंडीगडच्या गौरव गंभीरच्या नावावर होता. गंभीरने अरुणाचल प्रदेशविरुद्धच्या लढतीत तीन षटके निर्धाव टाकत दोन गडी बाद केले होते. अक्षयच्या या कामगिरीच्या जोरावर विदर्भ संघाने स्पर्धेतील चवथ्या लढतीत १६७ धावांनी मणिपूर संघाचा पराभव केला. अक्षयची ही कामगिरी नाट्यमय ठरली. सलग तीन षटके निर्धाव टाकल्यानंतर अक्षयची गोलंदाजी थांबवण्यात आली. दरम्यान ज्यावेळी मणिपूर संघाचा शेवटचा फलंदाज खेळपट्टीवर आला, त्यावेळी संघातील जलद गोलंदाजाला पाचारण करण्यात आले. मात्र, ड्रेसिंग रूममधून कोणीतरी संदेश पाठवला, की सलग तीन षटके निर्धाव टाकली आहेत, एक अजून षटक द्यावे असे सांगण्यात आले. त्यामुळे चवथे षटक अक्षयला देण्यात आले. त्याने ते निर्धाव टाकले.

वाचा- आजपासून टीम इंडियाची नवी सुरूवात; नव्या कर्णधाराचे आणि टीमचे

विदर्भाचा तिसरा विजय

जितेश शर्माचे अर्धशतक व आदित्य ठाकरे, अक्षय कर्णेवार व अथर्व तायडेच्या भेदक गोलंदाजीच्या जोरावर विदर्भाने सोमवारी चवथ्या साखळी सामन्यात मणिपूरला १६७ पराभवाचा धक्का देत स्पर्धेत चवथ्या विजयाची नोंद केली. या विजयामुळे विदर्भाचे बाद फेरीतील आव्हान कायम आहे. एसीए स्टेडियमवरील विदर्भाने विजयासाठी दिलेल्या २२३ धावांचा पाठलाग करताना विदर्भाच्या भेदक गोलंदाजीमुळे मणिपूर संघाचा डाव १६.३ षटकांत ५५ धावांवर आटोपला. सामन्यात अक्षय कर्णेवार, अथर्व तायडे व आदित्य ठाकरेने प्रत्येकी दोन गडी बाद केले. तत्पूर्वी नाणेफेक जिंकत प्रथम फलंदाजी करणाऱ्या विदर्भाने २० षटकांत ४ बाद २२२ धावा केल्या. यात जितेश शर्माने तडाखेबंद ७१ धावा केल्या.

धावफलक-
विदर्भ : २० षटकांत ४ बाद २२२ (अथर्व तायडे ४६, अक्षय वाडकर २८, शुभम दुबे १८, जितेश शर्मा नाबाद ७१, अपूर्व वानखेडे नाबाद ४९. किशन २-२९, नितेश १-३४, टीएच किशन १-६०).

मणिपूर : १६.३ षटकांत सर्वबाद ५५ (नरसिंग यादव १०, वाय. कर्णजित १८. सिद्धेश नेरळ १-१३, आदित्य ठाकरे २-१७, अक्षय वखरे १-१०, दर्शन नलकांडे १-९, अक्षय कर्णेवार २-०, अथर्व तायडे २-०)

तिसऱ्या षटकानंतरच मैदानात ड्रिंक्स घेऊन आलेल्या सहकारी खेळाडूने विश्वविक्रम झाल्याचे सांगितले. माझ्यासाठी हा एक मोठा धक्काच होता. कोणत्याही गोलंदाजीवर फलंदाज किमान एक धाव काढतो, पण, सलग २४ चेंडू निर्धाव टाकले यावर माझा अजूनही ‌विश्वासच बसत नाहीय.

– अक्षय कर्णेवार

आतापर्यंतचे विश्वविक्रम संघ प्रतिस्पर्धी संघ स्थान वर्ष

अक्षय कर्णेवार ४-४-०-२ विदर्भ मणिपूर विजयवाडा नोव्हें. २०२१

गौरव गंभीर ३-३-०-२ चंडीगड अरुणाचल प्रदेश चेन्नई जाने. २०२१

मोहम्मद इरफान ४-३-१-२ ट्रायडंटस पॅट्रीएटस ब्रिजटाउन ऑगस्ट २०१८

ख्रिस मॉरिस ४-३-२-२ लायन्स केप कोब्राज जोहान्सबर्ग नोव्हें. २०१४

मनप्रीत गोनी ४-३-५-२ पंजाब मध्य प्रदेश मुंबई मार्च २०१२



Source link

Leave a Reply

Your email address will not be published. Required fields are marked *