मोठी बातमी: ऑस्ट्रेलियन न्यायालयाने जोकोविच अपील फेटाळली; इतक्या वर्षाची बंदी


मेलबर्न : जागतिक क्रमवारीत अव्वल पुरुष टेनिसपटू सर्बियाचा नोव्हाक जोकोविच यंदा ऑस्ट्रेलियन ओपन २०२२ मध्ये भाग घेऊ शकणार नाही. ऑस्ट्रेलियन न्यायालयाने व्हिसा रद्द करण्याच्या विरोधात त्याचे अपील फेटाळले आहे, त्यामुळे आता सर्बियन स्टारला ऑस्ट्रेलियातून परत पाठवले जाईल. सोमवारपासून (१७ जानेवारी) ऑस्ट्रेलियन ओपन २०२२ या स्पर्धेला सुरूवात होणार आहे. मेलबर्नच्या फेडरल कोर्टाने जोकोविचचा व्हिसा रद्द करण्याचा ऑस्ट्रेलियन सरकारमधील मंत्र्याचा निर्णय कायम ठेवला आहे. त्यामुळे जोकोविच लवकरच ऑस्ट्रेलियातून परतणार आहे.



वाचा- टीम इंडिया कधीच कोणाचे उधार ठेवत नाही; ४८ तासात द.आफ्रिकेचा हिशोब चुकता केला

ऑस्ट्रेलियाच्या मंत्र्यांनी जोकोविचचा व्हिसा रद्द करण्याचा निर्णय शुक्रवारी (१४ जानेवारी) घेतला होता. विक्रमी नऊ वेळा ऑस्ट्रेलियन ओपनचे जेतेपद जिंकणाऱ्या जोकोविचने देशाबाहेर काढण्याच्या निर्णयाविरुद्ध अपील केले होते. रविवारी फेडरल कोर्टाच्या तीन न्यायाधीशांनी जोकोविचच्या विरोधात निर्णय दिला आणि सार्वजनिक हिताच्या कारणास्तव व्हिसा रद्द करण्याचा मंत्र्यांचा निर्णय कायम ठेवला.

वाचा- विराटने कर्णधारपद सोडल्यानंतर आली रोहित शर्माची प्रतिक्रिया; शेअर केला हा फोटो

३ वर्षे जोकोविच ऑस्ट्रेलियात जाऊ शकणार नाही
ऑस्ट्रेलियन न्यायालयाच्या निर्णयानंतर जोकोविचवर तीन वर्षांसाठी ऑस्ट्रेलियात प्रवेश करण्यास बंदी घातली जाऊ शकते. ऑस्ट्रेलियन सरकारच्या इमिग्रेशन नियमांनुसार, संबंधित व्यक्ती तीन वर्षांपर्यंत ऑस्ट्रेलियात परत येऊ शकत नाही. आता ऑस्ट्रेलियन सरकार जोकोविचला हा नियम लागू करेल की, त्याला सूट देईल, याबाबतची अधिक माहिती मिळालेली नाही. जोकोविचने अजूनही कोविड-१९ प्रतिबंधात्मक लसीकरण केलेले नाही आणि जोपर्यंत त्याला हद्दपार केले जात नाही, तोपर्यंत तो मेलबर्नमध्ये नजरकैदेत असेल.

ऑस्ट्रेलियामध्ये लसीकरणाचे कठोर नियम
दरम्यान, ऑस्ट्रेलियामध्ये लॉकडाऊनपासून लसीकरणापर्यंत कोरोनाविरोधात कठोर नियम लागू करण्यात आले आहेत. या अंतर्गत, कोणत्याही व्यक्तीला लसीकरण केल्याशिवाय ऑस्ट्रेलियात प्रवेश दिला जात नाही, जरी तो ऑस्ट्रेलियन नागरिक असला तरीही. महत्वाची गोष्ट म्हणजे विशेष परिस्थितीत आणि वैध कारणासह वैद्यकीय सवलत म्हणून लसीशिवाय प्रवेशास परवानगी दिली जात आहे.



Source link

Leave a Reply

Your email address will not be published.

%d bloggers like this: