स्पर्धा परीक्षा ही जीवनातील एक संधी असून ते अंतिम ध्येय असू नये- विभागीय आयुक्त पांडुरंग पोले

स्पर्धा परीक्षा ही जीवनातील एक संधी असून ते अंतिम ध्येय असू नये- विभागीय आयुक्त पांडुरंग पोले Competitive examination is an opportunity in life and it should not be the ultimate goal – Divisional Commissioner Pandurang Pole
 पंढरपूर – स्पर्धा परीक्षा ही जीवनातील एक संधी असून ते अंतिम ध्येय असू नये. स्पर्धा परीक्षेत यशस्वी होणारांचे यश सर्वाना दिसते. मात्र त्यातून

अयशस्वी होणारे कोणाला दिसत नाहीत. स्पर्धा परीक्षेचा मार्ग निवडणाऱ्या विद्यार्थ्यांनी त्याचे योग्य नियोजन केले पाहिजे. स्पर्धा परीक्षेतील यशा पेक्षाही आपले जीवन फार अनमोल आहे. त्यामुळे परीक्षेतील अनिश्चिततेमुळे खचून न जाता विद्यार्थ्यांनी जीवनाकडे सकारात्मक दृष्टीने पाहिले पाहिजे, असे प्रतिपादन जम्मू काश्मीर येथे कार्यरत असलेले विभागीय आयुक्त पांडुरंग पोले यांनी केले.

    महाराणी अहिल्यादेवी समाज प्रबोधन मंच, विद्यार्थी आघाडीच्यावतीने ‘इयत्ता दहावी व बारावी नंतरच्या पुढील शिक्षणातील संधी’ या ऑनलाईन व्याख्यानमालेचे आयोजन करण्यात आले आहे.दि.२१ जुलै ते २० ऑगस्ट २०२१ या

कालावधीत फेसबुक पेजवरून हा कार्यक्रम रोज संध्याकाळी ७:३० वाजता प्रक्षेपित केला जाणार आहे. या कार्यक्रमाचे उद्घाटन करताना पांडुरंग पोले उद्घाटक म्हणून बोलत होते. यावेळी प्रमुख पाहुणे म्हणून महाराष्ट्र राज्याच्या आयुष्यमान योजनेचे मुख्य कार्यकारी अधिकारी डॉ. सुधाकर शिंदे व कार्यक्रमाचे अध्यक्ष मधू शिंदे हे उपस्थित होते.

    पांडुरंग पोले पुढे म्हणाले की,स्पर्धा परीक्षेची तयारी करताना विद्यार्थ्यांनी प्रथम,द्वितीय व तृतीय स्वरूपाचे नियोजन करणे आवश्यक आहे. स्पर्धा परीक्षेचा मार्ग विद्यार्थ्यांनी स्वतः निवडावा. तो मार्ग

निवडण्यासाठी त्याला कोणीही सक्ती करू नये. दहावी,बारावी पास असणाऱ्या सामान्य विद्यार्थ्याला जेवढी माहिती असते. तेवढीच माहिती आणि ज्ञान स्पर्धा परीक्षेतील विद्यार्थ्यांना असणे अपेक्षित असते.मात्र आपल्याकडील चुकीच्या धोरणामुळे ही परीक्षा अतिशय कष्टप्रद होवून बसली आहे.ग्रामीण भागातील विद्यार्थ्यांनी इंग्रजी भाषेबाबतचा न्यूनगंड दूर केला पाहिजे. खाजगी क्लासेस हे स्पर्धा परीक्षांसाठी फास्ट फूड सारखे असतात. त्यावर सर्वस्वी अवलंबून राहू नये.

    सुधाकर शिंदे म्हणाले की,माणसाच्या आयुष्यात आनंद आणि समाधान या दोन बाबी महत्त्वपूर्ण असून करिअर हे जीवन आनंदी करण्यासाठी असावे . समाजजीवनातील प्रत्येक काम हे तितकेच महत्वाचे आहे. त्यामुळे लोकसेवा

आयोगाच्या माध्यमातून मिळणाऱ्या संधी ह्या फार महत्त्वाच्या असून इतर क्षेत्रे कमी महत्वाची आहेत असा गैरसमज कोणी करू नये. पालकांनी पाल्याच्या प्रकृती, चारित्र्य आणि व्यक्तिमत्त्व या बाबीकडे लक्ष द्यावे. समाजातील एक चांगला नागरिक घडविण्याचे कार्य करावे. विद्यार्थ्यांनी करिअरच्या संधी निवडताना स्वतःची आवड, गरज,शारीरिक क्षमता पाहून निर्णय घ्यावा.

   अध्यक्षीय भाषणात मधू शिंदे म्हणाले की, सध्याचे युग हे स्पर्धेचे आहे. प्रत्येकाला यामध्ये सहभागी व्हावेच लागत आहे.ग्रामीण भागातील

विद्यार्थ्यांना करिअरच्या संधीविषयी माहिती व्हावी. या उद्देशाने घेतलेला हा कार्यक्रम अतिशय स्तुत्य स्वरूपाचा आहे. सामान्य माणूस देखील इच्छाशक्ती व प्रयत्नाच्या बळावरती यशापर्यंत पोहचत असतो.विद्यार्थ्यांनी योग्य करिअर निवडावे. त्याकामी समाजजीवनातील तज्ज्ञांनी त्यांना मदत करावी.

  या कार्यक्रमाचे प्रास्ताविक विद्यार्थी आघाडीचे प्रदेशाध्यक्ष प्रा.डॉ. दत्ता डांगे यांनी केले. प्रमुख पाहुण्यांचे स्वागत व परिचय वैद्यकीय आघाडीचे प्रदेशाध्यक्ष डॉ.गोपाळ शिंदे यांनी केले.

   या कार्यक्रमास चंद्रशेखर सोनवणे, डॉ.उषा देशमुख, डॉ.सुरेश येवले,डॉ.जे.पी.बघेल, ज्योती सरोदे, विक्रम पडळकर, प्रा.प्रमोद बिडे आदी उपस्थित होते. हा कार्यक्रम यशस्वी करण्यासाठी बिरू कोळेकर यांनी परिश्रम घेतले.उपस्थितांचे आभार चैतन्य शिंगाडे यांनी मानले.

Live Sachcha Dost TV

Leave a Reply

Your email address will not be published. Required fields are marked *

%d bloggers like this: