सहा.पोलीस अधीक्षक प्रशांत डगळे पंढरपूर उपविभाग पंढरपूर यांची पुन्हा सांगोला भागात जुगार अड्ड्यावर मोठी कारवाई
सांगोला भागात जुगार अड्ड्यावर पोलिसांची मोठी धडक कारवाई – १ कोटी १९ लाखांचा मुद्देमाल जप्त
सहा.पोलीस अधीक्षक प्रशांत डगळे यांच्या मार्गदर्शनाखाली सांगोला भागात मोठी कारवाई- ४५ जुगारी अटकेत
पंढरपूर/ज्ञानप्रवाह न्यूज,दि.१०/११/२०२५- सोलापूर ग्रामीणचे पोलीस अधिक्षक अतुल कुलकर्णी यांना मौजे कोळा ता. सांगोला जि.सोलापूर येथे अंकुश आनंदा अलदर याने त्याच्या कोळा शिवारातील शेती गट नं.१७५९ मधील शेडनेट मध्ये लोकांना जमवून विनापरवाना जुगार अड्डा चालवित आहे अशी बातमी मिळाल्याने सदर ठिकाणी जावून छापा कारवाई करणेबाबत आदेशीत करण्यात आले होते.
सहा.पोलीस अधिक्षक प्रशांत डगळे पंढरपूर उपविभाग पंढरपूर असे सांगोला पोलीस ठाणेस दि. ०९/११/२०२५ रोजी ठाणे दैनंदिनीस नोंद ३०/२०२५ वेळ २१:१० वा. नोंद करुन आमचे सह ४ पोलीस पथकाचे सोबत मौजे कोळा ता.सांगोला जि. सोलापूर येथे दुर्गम डोंगराळ भागामध्ये जावून अंकुश अलदर याच्या जुगार अड्ड्यावर छापा कारवाई केली.
मौजे कोळा येथील शेडनेटच्या मध्ये लाकडी ६ टेबलवर गोलाकार करून जुगार खेळण्या करीता आलेल्या इसमांकडे दुचाकी वाहने, चारचाकी वाहने, रोख रक्कम, जुगार खेळण्याकरीता वापरात आणलेली रक्कम, जवळ बाळगलेले मोबाईल,जुगार साहित्य, ५२ पानी पत्याचे डाव,पत्राशेड/शेडनेट मध्ये असलेल्या खुर्चा,टेबल,फ्रिज,गॅस सिलेंडर व शेगडी इत्यादी साहीत्य जप्त करण्यात आले आहे.
त्यामध्ये १) रोख रक्कम ४,१७,५७७/- २) टेबल,खुर्चा, जुगार खेळण्याचे साहित्य, फ्रिज,पत्त्यांचे डाव असलेले बॉक्स् इ. साहित्य व मोबाईल फोन किंमत रुपये -९,३८,२०० /- रुपये ३) ११ चार चाकी वाहने किंमत रुपये ९६,००,०००/- ४) १४ दुचाकी वाहने किंमत रुपये – ९,६०,०००/- असा एकुण १,१९,१५,७७७ रुपये (अक्षरी एक कोटी एकोणीस लाख पंधरा हजार सातशे सत्याहत्तर रुपये ) चा मुद्देमाल हस्तगत करण्यात आला आहे.त्याबाबत सांगोला पोलीस ठाणेस ४५ जुगार खेळणा-या इसमांविरुध्द् महाराष्ट्र जुगार कायदा १८८७ कलम ३(१) ४ व ५ प्रमाणे सांगोला पोलीस ठाणे येथे गुन्हा रजि.नंबर ८८२/२०२५ प्रमाणे गुन्हा दाखल करण्यात आला आहे.
सदरची कामगीरी पोलीस अधिक्षक अतुल कुलकर्णी सोलापूर ग्रामीण,अपर पोलीस अधिक्षक प्रितम यावलकर, सहा.पोलीस अधिक्षक प्रशांत डगळे पंढरपूर उपविभाग, पंढरपूर यांचे मार्गदर्शनाखाली पोसई/अनिल पाटील,पोसई अब्दुलहमीद शेख,पोसई नितीन जगताप, पोसई महादेव पिसाळ, सपोफौ ढवळे,पोह/ निलेश रोंगे,पोह/ कामतकर, पोहेकॉ/ कांबळे, पोना/ विनोद शिंदे,पोकों/ माने,पोहेकॉ/ देशमुख, पोहेकॉ/ साळुंखे, पोहेकॉ/ शिंदे, पोहेकों/ गरड, पोहेकॉ/ शेख, पोहेकॉ/आटपाडकर, पोहेकॉ/ जाधव, पोहेकों/घोडके,पोहेकॉ/पाटील,पोहेकों/देवकते,पोहेकों/ भोसले पोना/ काकडे,, पोना/ नरळे पोका/सागर गवळी, पोहेकॉ/ चौगुले, पोकॉ/ डी टिंगरे, पोकों/ वैभव घायाळ, पोकों/ सुर्यवंशी व चालक पोकों/डी गोडसे यांनी पार पाडली.
