Video : गुडघ्यातून रक्त वाहत असतानाही चेन्नईच्या फॅफ ड्यू प्लेसिसने घेतला भन्नाट कॅच, व्हिडीओ व्हायरल


IPL 2021 : अबु धाबी : चेन्नई सुपर किंग्जचा (CSK) सलामीवीर फाफ डु प्लेसिस त्याच्या फलंदाजीसह उत्कृष्ट क्षेत्ररक्षणासाठीही ओळखला जातो. आयपीएल २०२१ च्या कोलकाताविरुद्धच्या सामन्यात त्याने गुडघ्याला दुखापत झाल्यानंतरही सीमारेषेवर इऑन मॉर्गनचा शानदार झेल पकडला. त्याच्या गुडघ्याला दुखापत झाल्याने रक्त वाहत होते. तरीही तो मैदानावर उभा होता. मॉर्गनचा झेल घेतल्यानंतर सोशल मीडियावर क्रिकेट चाहत्यांनी त्याच्या या खिलाडूवृत्तीचे कौतुक करण्यास सुरुवात केली आहे. जर सीएसकेचा संघ केकेआरविरुद्धचा सामना जिंकला, तर ते प्ले-ऑफमध्ये पोहोचतील. संघाने आतापर्यंत खेळलेल्या ९ पैकी ७ सामन्यात विजय मिळवला आहे. १४ गुणांसह संघ गुणतालिकेत दुसऱ्या क्रमांकावर आहे. केकेआरच्या डावातील तिसरे षटक सुरू होते. त्यावेळी सलामीवीर व्यंकटेश अय्यरने दीपक चाहरच्या गोलंदाजीवर मारलेला चेंडू मिड ऑनच्या दिशेने गेला. त्या दिशेला क्षेत्ररक्षण करत असलेल्या डू प्लेसिसने डायव्हिंग करत चेंडू अडवण्याचा प्रयत्न केला, पण त्याच्यापासून चेंडू दूर राहिला. या दरम्यान त्याच्या गुडघ्याला दुखापत झाली. त्यानंतर डू प्लेसिसने १० व्या षटकाच्या पहिल्या चेंडूवर मिड-ऑनवर केकेआरचा कर्णधार इऑन मॉर्गनचा शानदार झेल घेतला. मॉर्गनला फक्त ८ धावा करता आल्या. केकेआरला जर प्ले-ऑफमध्ये आपले स्थान बळकट करायचे असेल तर त्यांच्यासाठी हा सामना महत्वाचा असेल.

डु प्लेसिसने केली आहेत ४ अर्धशतके
विशेष गोष्ट म्हणजे, दक्षिण आफ्रिकेच्या फाफ डु प्लेसिसला टी-२० विश्वचषकासाठी त्यांच्या राष्ट्रीय संघात स्थान मिळालेलं नाही. आयपीएल २०२१ च्या दुसऱ्या टप्प्यातील दोन्ही सामन्यांमध्ये त्याला चांगली कामगिरी करता आली नाही, पण एकूण हंगामाबद्दल बोलायचं झालं, तर त्याने ९ सामन्यांमध्ये ५० च्या सरासरीने ३५१ धावा केल्या आहेत. त्यामध्ये ४ अर्धशतकांचा समावेश आहे. नाबाद ९५ ही त्याची सर्वोत्तम धावसंख्या आहे. त्याने आतापर्यंत ३१ चौकार आणि १५ षटकार मारले आहेत. सीएसकेने गेल्या मोसमात चांगली कामगिरी केली नव्हती, पण त्यावेळीही फाफने फलंदाजी आणि क्षेत्ररक्षणात आपला ठसा पाडला होता.



Source link

Leave a Reply

Your email address will not be published.

%d bloggers like this: