Bharat Bandh: मनापासून शेतकऱ्यांसोबत, संजय राऊत यांनी व्यक्त केला शेतकऱ्यांना पाठिंबा


हायलाइट्स:

  • शिवसेना खासदार संजय राऊत यांनी जाहीर केला शेतकऱ्यांना पाठिंबा
  • काँग्रेस खासदार राहुल गांधींनीही व्यक्त केला शेतकऱ्यांना पाठिंबा
  • ‘भारत बंद’च्या पार्श्वभूमीवर दिल्ली-नोएडात वाहनांच्या रांगा

नवी दिल्ली : केंद्राकडून लागू करण्यात आलेल्या तीन कृषी कायद्यांविरोधात गेल्या १० महिन्यांपासून शेतकऱ्यांचं आंदोलन सुरू आहे. मात्र, सरकार आणि शेतकरी संघटनांमध्ये गेल्या काही महिन्यांत चर्चाही होऊ शकलेली नाही. याच पार्श्वभूमीवर शेतकऱ्यांकडून आज पुन्हा एकदा ‘भारत बंद‘ची हाक देण्यात आलीय. शेतकऱ्यांच्या या आंदोलनाला शिवसेना आणि काँग्रेसकडून पाठिंबा व्यक्त करण्यात आला आहे.

जवळपास वर्षभरात शेतकरी आंदोलन करत आहेत. हा शेतकऱ्यांचा बंद आहे. देशातील प्रत्येक नागरिकाची भावना शेतकऱ्यांसोबत आहे, असं म्हणत शिवसेनेचे खासदार संजय राऊत यांनी शेतकरी बंदला पाठिंबा व्यक्त केलाय.

उद्योगधंदे तर अगोदरपासूनच बंद आहेत. बेरोजगारीमुळे लोक असेही घरांतच बसलेले आहेत. त्यामुळे बंद तर सुरू आहेत त्यात शेतकऱ्यांनीही बंद पुकारलाय. आम्ही मनापासून त्यांच्यासोबत आहोत, अशी पुश्तीही संजय राऊत यांनी जोडलीय.

uddhav thackeray amit shah :मुख्यमंत्री उद्धव ठाकरे दिल्लीत, केंद्रीय गृहमंत्री अमित शहांसोबत बैठक सुरू
PM मोदींची धडक पाहणी! नव्या संसद भवनच्या बांधकामाच्या ठिकाणी पोहोचले
दरम्यान, काँग्रेसचे माजी अध्यक्ष राहुल गांधी यांनी सोशल मीडियावरून शेतकरी आंदोलनाला आपला पाठिंबा व्यक्त केलाय. ‘शेतकऱ्यांचं अहिंसक आंदोलन आजही अखंड आहे. परंतु, शोषण करणाऱ्या सरकारला ते पसंत नसल्याचं’ म्हणत राहुल गांधींनी मोदी सरकारवर टीका केलीय.

सकाळी ६.०० वाजल्यापासून सुरू झालेला शेतकऱ्यांचा ‘भारत बंद’ सायंकाळी ४.०० वाजेपर्यंत सुरू राहणार आहे. शेतकऱ्यांकडून अॅम्ब्युलन्स आणि डॉक्टरांना वाट मोकळी करून दिली जाईल परंतु, नागरिकांनी दुपारी जेवणाच्या वेळेनंतरच घरातून बाहेर पडावं, अन्यथा ट्राफिक जाममध्ये ते अडकून राहू शकतात, असं आवाहन भारतीय किसान युनियनचे प्रवक्ते राकेश टिकैत यांनी केलंय.

दिल्लीच्या सीमेवर पुन्हा एकदा शेतकरी गोळा झाले आहेत. या बंदचा परिणाम रस्त्यांवरही दिसून येतोय. संयुक्त किसान मोर्चानं केलेल्या भारत बंदमुळे नोएडामध्ये वाहनांची मोठी रांगच रांग दिसून येतेय. दिल्ली गुरुग्राम हायवेवर अनेक किलोमीटर केवळ वाहनांची रांग लागलेली दिसून येत आहे.

कृषी कायद्याच्या विरोधात गेल्या १० महिन्यांपासून राजधानी दिल्लीत शेतकऱ्यांचं आंदोलन सुरू आहे. ऊन, थंडी, पाऊस यांची तमा न बाळगता शेतकरी आपल्या मागण्या मांडत आहेत. या आंदोलनात आतापर्यंत ६०० हून अधिक शेतकऱ्यांना आपले प्राण गमवावे लागल्याचं शेतकरी संघटनांनी म्हटलंय.

देशांत महामार्गांच्या निर्माणाचा धडाका, कुठे वनांची कत्तल तर कुठे टोलच्या दरांत वाढ
Cyclone Gulab: ‘गुलाब’ चक्रीवादळात आंध्राचे काही मच्छिमार बेपत्ता, शोध सुरू



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: