आठ दिवसात स्मशानभूमीतील कामे न केल्यास ग्रामपंचायतीस ठोकणार टाळे – मनसे

आठ दिवसात स्मशानभूमीतील कामे न केल्यास ग्रामपंचायतीस ठोकणार टाळे – मनसे

करकंब/ मनोज पवार – करकंब स्मशानभूमीतील गैरसोयी बद्दल ग्रामपंचायतीला वारंवार निवेदने देऊनही कुठलीही कामे केली जात नसल्यामुळे ग्रामपंचायत कार्यालयासमोर आंदोलन करण्याचा महाराष्ट्र नवनिर्माण सेनेने ईशारा दिला आहे.

    करकंब हे गाव लोकसंख्येच्या दृष्टीने मोठे गाव आहे .त्यामुळे करकंबमध्ये जन्म मृत्यूचे प्रमाणही जास्त आहे.करकंब येथील स्मशानभूमी मध्ये बाभळी व इतर झाडाझुडपांची वाढ मोठ्या प्रमाणात झालेली आहे. अंत्यविधी करण्यासाठी गेलेल्या नागरिकांना त्यामुळे प्रेतास दहन देताना खूपच अडचणी येत आहेत. स्मशानभूमीमध्ये एक बोअरवेल घेण्यात आलेली आहे परंतु त्या बोअरवेलला विद्युत पुरवठा करणारी यंत्रणा नादुरुस्त असल्याने प्रेतास धन देण्यासाठी गेलेल्या नातेवाईकांना पाणी पुरवठा व्यवस्थित होत नाही बऱ्याच वेळा हे बोअर बंद असल्याने अंत्यविधी करण्यास गेलेल्या नागरिकांना आंघोळ करण्यासाठी इतर ठिकाणी जावे लागते किंवा घागरीने पाणी आणून क्रियाकर्म करावे लागते. स्मशानभूमीमध्ये लाखो रुपये खर्च करून बसविण्यात आलेल्या सोलर पॅनलचीही दुरावस्था झालेली आहे . मृत्यूनंतर मानवाची सर्व हाल-अपेष्टा, दुःख यातून सुटका होते म्हणतात पण मृत्यूनंतरही करकंब समशानभूमीत गेल्यानंतरही ना त्या प्रेताची सुटका होते ना संबंधित नातेवाईक व नागरिकांची सुटका होते.

    यापूर्वी २२.३.२०२१ रोजी मनसेतर्फे सरपंच, उपसरपंच, ग्रामसेवक यांना यासंबंधी लेखी निवेदन दिले होते परंतु संबंधितांनी या प्रकरणी स्मशानभूमी मध्ये कोणतीही सुधारणा केलेली नाही. येथून पुढे तरी स्मशानभूमीतील बाभळी व इतर झाडेझुडपे काढावीत, बोअरवेलला करण्यात येणारा विद्युत पुरवठा सुरळीत करावा, सोलर पॅनल दुरुस्त करण्यात यावा .संबंधित व्यक्तीस जिवंतपणी नाही तर मृत्यूनंतर तरी शांती मिळावी यासाठी संबंधित पदाधिकारी याची दखल घेतील असे नागरिकांकडून अपेक्षा व्यक्त केली जात आहे. या तक्रारीची गंभीरपणे दखल घेतली गेली नाही तर महाराष्ट्र नवनिर्माण सेना आपल्या स्टाईलने मनसे नेते शँडो सहकारमंत्री दिलीप धोत्रे यांच्या नेतृत्वाखाली ग्रामपंचायत समोर आंदोलन करून, ग्रामपंचायत कार्यालयास टाळे ठोकण्यात येईल असा इशारा देण्यात आला.

 करकंब स्मशानभूमीतील विविध गैरसोयीबद्दल मनसे शाखा करकंब यांचेतर्फे गटविकास अधिकारी पंचायत समिती पंढरपूर यांना याबाबतचे निवेदन देण्यात आले आहे.यावेळी मनसे जिल्हा उपाध्यक्ष महेंद्र पवार, पंढरपूर तालुका मनसे अध्यक्ष शशिकांत पाटील, पंढरपूर तालुका मनसे उपाध्यक्ष हेमंत पवार, करकंब शहराध्यक्ष संजय गायकवाड, करकंब विभाग अध्यक्ष गौरव शिंदे, पंढरपूर तालुका विद्यार्थी सेना अध्यक्ष सचिन माळी, बालाजी पवार व मनसे सैनिक यांच्यासह ग्रामस्थ उपस्थित होते. 

Live Sachcha Dost TV

Leave a Reply

Your email address will not be published. Required fields are marked *

%d bloggers like this: