उत्तर कोरियाची पुन्हा एकदा क्षेपणास्त्र चाचणी; समुद्रात डागले क्षेपणास्त्र

सोल: अण्वस्त्र आणि शस्त्रसज्जता वाढवण्याच्या प्रयत्नात असलेल्या उत्तर कोरियाने आणखी एक चाचणी केली. मंगळवारी उत्तर कोरियाने समुद्रात बॅलेस्टिक क्षेपणास्त्र डागले. दक्षिण कोरिया आणि जपानच्या लष्कराने याबाबतची माहिती दिली. उत्तर कोरियाने क्षेपणास्त्र चाचणी न करण्याचे आवाहन अमेरिकेने केले होते. मात्र, अमेरिकेच्या आवाहनाकडे उत्तर कोरियाने दुर्लक्ष केले.

अमेरिकेने उत्तर कोरियाच्या अण्वस्त्र कार्यक्रमाची कोंडी करण्यासाठी कूटनीति सुरू केल्याची चर्चा होती. त्यानंतर उत्तर कोरियाने समुद्रात क्षेपणास्त्र डागले. दक्षिण कोरियाला सशर्त शांतता चर्चेचा प्रस्ताव दिला असताना दुसरीकडे उत्तर कोरियाने क्षेपणास्त्र चाचणी सुरूच ठेवली आहे.

पाहा: उत्तर कोरियाच्या जवानांचे प्रात्यक्षिक व्हायरल; किम जोंग यांचा अमेरिकेला इशारा
दक्षिण कोरियाचे ज्वाइंट चीफ ऑफ स्टाफ यांनी उत्तर कोरियाने चाचणी केलेले बॅलेस्टिक क्षेपणास्त्र कोणत्या प्रकारचे होते. किती अंतरापर्यंत हल्ला करण्यास सक्षम असू शकते, आदी कोणतीही माहिती दिली नाही. जपानच्या तटरक्षक दलाने जहाजांना तातडीने सागरी सुरक्षेचा संदेश जारी केला.

रशियाच्या हद्दीत अमेरिकी बॉम्बर; रशियाने पाठवले मिग-३१ लढाऊ विमाने

‘एसोसिएटेड प्रेस’ने दिलेल्या वृत्तानुसार, उत्तर कोरियाने या चाचणीची माहिती दक्षिण कोरियाला दिली नव्हती. उत्तर कोरिया आणि दक्षिण कोरिया या दोन्ही देशांकडून सप्टेंबर महिन्यात क्षेपणास्त्र चाचणी करण्यात आली होती. त्यानंतर कोरियन भागामध्ये तणाव वाढला होता. त्यामुळे चिंता वाढली आहे.

colin powell dies : अमेरिकेचे पहिले आफ्रिकन-अमेरिकन वंशाचे परराष्ट्र मंत्री कॉलिन पॉवेल यांचे निधन
दरम्यान, काही दिवसांपूर्वीच उत्तर कोरियाचे राष्ट्रपती किम जोंग उन यांनी अमेरिकेला इशारा दिला होता. अमेरिेकेचे उत्तर कोरियाबद्दलचे धोरण सकारात्मक नसल्याचे त्यांनी म्हटले होते. उत्तर कोरिया कोणाविरोधात युद्ध करण्यासाठी शस्त्र विकसित करत नसून आत्मसंरक्षणासाठी शस्त्र विकसित करत असल्याचे त्यांनी म्हटले.