facebook fined : फेसबुकला झटका! ब्रिटनने ५० दशलक्ष युरोहून अधिकचा बजावला दंड


लंडनः ब्रिटनची स्पर्धा निरीक्षक कॉम्पिटिशन अँड मार्केट अथॉरिटी (CMA) ने सोशल नेटवर्किंग प्लॅटफॉर्म फेसबुकला ५० दशलक्ष युरो (४,३५,४३,००,००० रुपयांहून अधिक) दंड बजावला आहे. अॅनिमेटेड ग्राफिक्स स्टार्टअप Giphy अधिग्रहणाशी संबंधित माहिती न दिल्यामुळे फेसबुकवर ही कारवाई करण्यात आली आहे.

गेल्या वर्षीच्या खरेदीशी संबंधित माहिती देण्यास जाणीवपूर्वक नकार दिल्याबद्दल फेसबुकला ५०.५ दशलक्ष युरोचा दंड ठोठावण्यात आला आहे, असं एमसीएने म्हटलं आहे.

आम्ही फेसबुकला इशारा दिली होता. महत्त्वाची माहिती देण्यास नकार देणं हे आदेशाचे उल्लंघन आहे, असं आम्ही म्हटलं होतं. पण दोन कोर्टांनी अपील फेटाळल्यानंतरही फेसबुकने आपल्या कायदेशीर जबाबदाऱ्यांचे उल्लंघन कायम ठेवले, असं सीएमएमधील विलीनीकरणाचे वरिष्ठ संचालक जोएल बॅमफोर्ड यांनी जारी केलेल्या एका निवेदनात म्हटले आहे.

अमेरिका: धावत्या मेट्रो रेल्वेत बलात्कार; प्रवाशांकडून मदतीऐवजी व्हिडिओ रेकोर्डिंग!

स्वतःला कायद्याच्या वर मानणाऱ्या कंपन्यांसाठी हा एक इशारा आहे. पहिल्यांदाच कोणत्याही आदेशाचे जाणीवपूर्वक अशा प्रकारे उल्लंघन झाल्याचे आढळून आले आहे, असंही त्यांनी निवेदनात म्हटलं आहे. याशिवाय सीएमएने फेसबुकवर वेगळा ५ लाख युरोचा दंडही बजावला आहे. मुख्य दक्षता अधिकाऱ्याना दोनवेला मंजुरीशिवाय बदलल्याच्या प्रकरणात हा दंड ठोठावण्यात आला आहे, असं सीएमएमधील विलीनीकरणाचे वरिष्ठ संचालक जोएल बॅमफोर्ड म्हणाले.

सहा महिने सुरू होती पोटदुखी; शस्त्रक्रिया करून पोटातून काढला मोबाइल

फेसबुकने मे २०२० मध्ये Giphy विकत घेण्याची घोषणा केली होती. ४०० मिलियन दशलक्ष डॉलरमध्ये हा सौदा झाला होता.



Source link

Leave a Reply

Your email address will not be published. Required fields are marked *

%d bloggers like this: