विकसित भारताचं स्वप्न साकार करण्यासाठी नरेंद्र मोदी हेच पुन्हा एकदा पंतप्रधान व्हावेत, यासाठी मोदी सरकारला साथ द्या-आ.विजयकुमार देशमुख

विजयाचा निर्धार; भाजप होणार ४०० पार

फिर एक बार मोदी सरकार

सोलापूर/ज्ञानप्रवाह न्यूज दि.२१/०४/२०२४- सोलापूर लोकसभा मतदारसंघ निवडणूक प्रचाराच्या निमित्ताने उत्तर सोलापूर मधील वसंतविहार येथे माजी मंत्री व आमदार विजयकुमार देशमुख यांच्या मार्गदर्शनाखाली आयोजित केलेल्या कॉर्नर बैठकीला सोलापूर लोकसभा मतदारसंघाचे उमेदवार राम सातपुते यांची उपस्थिती होती.

याप्रसंगी वसंत विहार येथील नागरिकांनी अत्यंत उत्साहाने स्वागत करत लोकसभा विजयासाठी शुभेच्छा दिल्या.

यावेळी माजी मंत्री व उत्तर सोलापूरचे आमदार विजयकुमार देशमुख यांनी उपस्थितांना संबोधित करत सोलापूर मतदार संघात झालेल्या आणि सुरू असलेल्या विकासकामांची माहिती दिली. सोलापूर लोकसभा मतदारसंघाच्या विकासासाठी पंतप्रधान नरेंद्र मोदी यांच्या नेतृत्वाला पुन्हा संधी द्या, असे आवाहन करत उपस्थित नागरिकांसह विजयी संकल्प केला.

यंदाची लोकसभा निवडणूक ही देशाच्या भविष्यासाठी अतिशय महत्त्वाची असून विकसित भारताचं स्वप्न साकार करण्यासाठी नरेंद्र मोदी हेच पुन्हा एकदा पंतप्रधान व्हावेत, यासाठी मोदी सरकारला साथ देण्याचे आवाहन केले.

याप्रसंगी राष्ट्रवादी शहराध्यक्ष संतोष पवार, किरण पवार, निशांत पारसकर, श्रीकांत घाडगे, नागेश चंडील, नितीन भूपत आदिंसह मान्यवर व नागरिक उपस्थित होते.