मॅच पाहण्यासाठी केंद्रीय गृहमंत्र्यांनी पंतप्रधानांकडून घेतली २ दिवसांची सुट्टी, म्हणाले…


दुबई: आयसीसी टी-२० वर्ल्डकपच्या मुख्य स्पर्धांना उद्यापासून सुरूवात होत आहे. पण वर्ल्डकपमधील सर्वात चुरशीची लढत ही २४ ऑक्टोबर रोजी दुबई आंतरराष्ट्रीय स्टेडियमवर होणार आहे. भारत आणि पाकिस्तान यांच्यातील या लढतीची उत्सुकता वाढत चालली असून काही चाहत्यांना प्रत्यक्ष मैदानात जाऊन हा सामना पाहता येईल. तर अन्य कोट्यवधी चाहते टीव्हीवरून हा सामना पाहतील.

वाचा- पाकिस्तानविरुद्धच्या सामन्यात भारताकडे आहे हुकमी एक्का; हा फलंदाज कधीच बाद झाला नाही

भारत आणि पाकिस्तान ही लढत हायव्होल्टेज मानली जाते. दोन्ही देशातील चाहते याकडे युद्धाप्रमाणे पाहतात. टी-२० वर्ल्डकपमध्ये भारताने आतापर्यंत पाकिस्तानविरुद्धच्या सर्व लढती जिंकल्या आहेत. आतापर्यंत झालेल्या पाच लढतीत पाकिस्तानचा पराभव झाला असून टीम इंडिया यावेळी सहाव्या विजयासाठी उत्सुक असेल.

वाचा- पाकिस्तानविरुद्धच्या सामन्याआधी सर्व टेन्शन गेले; भारताची प्लेइंग इलेव्हन तयार

दोन्ही देशातील हा सामना पाहण्यासाठी पाकिस्तानच्या गृहमंत्र्यांनी चक्क दोन दिवसांची सुट्टी काढली आहे. पाकिस्तानचे अंतर्गत मंत्री शेख रशीद यांनी पत्रकारांना सांगितले की, टी-२० वर्ल्डकपमधील भारत-पाकिस्तान मॅच पाहण्यासाठी मी सुट्टी काढली आहे आणि स्टेडियममध्ये जाऊन मॅच पाहणार आहे.

वाचा- विराट कोहली X बाबर आझम: दोन्ही कर्णधारांची ताकद, कच्चे दुवे आणि एक्स फॅक्टर

मॅच पाहण्यासाठी मी दुबईला जाणार आहे. यासाठी मी पंतप्रधान इमरान खान यांच्याकडून दोन दिवसांची सुट्टी मागितली आहे. देवाकडे प्रार्थना आहे की पाकिस्तानला यश देओ. या सामन्याकडे खेळ म्हणून पाहावा. भारत आणि पाकिस्तान यांच्यातील प्रत्येक लढत पाहण्याची माझी इच्छा आहे. मग ती लढत कोलकातामध्ये असो किंवा चेन्नईमध्ये. या सामन्याचा जो निकाल होईल तो मान्य करावा.

भारताच्या साखळी फेरतील पाच पैकी चार लढती या दुबईत होणार आहेत. तर एक लढत अबुधाबी येथे होईल.

वाचा- टी-२० वर्ल्डकपसाठी कशी आहे खेळपट्टी; टीम इंडिया या मैदानावर खेळणार सर्वाधिक

असे आहे भारताचे वेळापत्रक

२४ ऑक्टोबर- पाकिस्तानविरुद्ध, दुबई
३१ ऑक्टोबर- न्यूझीलंडविरुद्ध, दुबई
३ नोव्हेंबर – अफगाणिस्तानविरुद्ध, अबुधाबी
५ नोव्हेंबर- स्कॉटलंडविरुद्ध, दुबई
८ नोव्हेंबर- ग्रुप ए मधील दुसऱ्या संघाविरुद्ध



Source link

Leave a Reply

Your email address will not be published. Required fields are marked *

%d bloggers like this: