बांधकाम कामगाराचे होणार संरक्षण- क्रेडाई पंढरपूर ने हाती घेतली मोहीम

बांधकाम कामगाराचे होणार संरक्षण- क्रेडाई पंढरपूर ने हाती घेतली मोहीम

पंढरपूर/ज्ञानप्रवाह न्यूज,दि.30/04/2024 –१ मे महाराष्ट्र दिन तथा जागतिक कामगार दिन निमित्ताने बुधवारी १ मे रोजी बांधकाम व्यावसायिकांची सर्वोच्च संस्था क्रेडाई पंढरपूर व स्वयंसेवी संस्था दिशा फाउंडेशन यांच्या संयुक्त विद्यमाने बांधकाम कामगारांसाठी एक अनोखा उपक्रम राबवण्यात येणार आहे. बांधकाम कामगारांचा जिव्हाळ्याचा विषय म्हणजे सरकार दरबारी त्यांचं कामगार म्हणुन नोंदणी . बऱ्याच कामगारांना सदर प्रक्रियेची आणी नोंदणी साठी लागणारे कागदपत्राची माहिती नसल्यामुळे त्यांचे नोंदणी झाले नाही त्यामुळे विनाकारण खूप पैसे खर्च होतात व त्यांना शासनाच्या विविध योजनेचा लाभ मिळत नाही.असे कामगारांचे प्रश्न लक्षात घेता या वर्षी क्रेडाई पंढरपूरने सदर प्रकल्प घेतला असून अत्यल्प पैशामध्ये कामगारांचे नोंदणी होणार आहे.

सदर कार्यक्रमांमध्ये येणाऱ्या प्रत्येक कामगारांची आरोग्य तपासणी होणार असून त्यांनी साइटवर काम करत असताना आपत्कालीन परिस्थितीमध्ये काय करावे आपल्या सहकारी कामगारांच्या जीवाला धोका निर्माण झाल्यास किंवा साइटवर काही समस्या निर्माण झाल्यास त्याला कसे समोर जावे याबाबत प्रशिक्षण देण्यात येणार आहे.

कामगारांनी येताना बरोबर २ फोटो, आधार कार्ड झेरॉक्स व बँक पासबुक झेरॉक्स घेऊन यावे.पत्ता:- जयदेव हाईट, पहिला मजला, दत्त नगर, वात्सल्य हॉस्पिटलच्या शेजारी, लिंक रोड , ठाकरे चौक, पंढरपूर येथे बुधवार १ मे रोजी सकाळी ९ ते १२ या वेळेत सदर उपक्रम राबविण्यात येणार आहे.

सदर कार्यक्रमासाठी पंढरपुरातील सिमेंट डिलर मोहक एंटरप्रायझेस यांनी प्रायोजकत्व स्वीकारले आहे. पंढरपुरातील बांधकाम व्यवसायात काम करणाऱ्या कामगारांनी सदर उपक्रमाचा लाभ घ्यावा असे आवाहन क्रेडाई अध्यक्ष अमित शिरगावकर यांनी केले.