Pakistan: ‘तीन महिन्यांचं वेतन नाही’, पाक दूतावासाच्या ट्विटर अकाऊंटवरून पंतप्रधानांची खिल्ली


हायलाइट्स:

  • सर्बियातील पाकिस्तान दूतावासाच्या ट्विटर अकाऊंटवरची पोस्ट व्हायरल
  • पंतप्रधान इम्रान खान यांची उडवली खिल्ली
  • सोशल मीडिया अकाऊंट हॅक झाल्याचा पाकिस्तानचा दावा

इस्लामाबाद, पाकिस्तान :

पाकिस्तानात महागाईनं कळस गाठलाय. पंतप्रधान इम्रान खान यांच्या सरकारसमोर आर्थिक विवंचनेनं मोठं घर केलंय. खुद्द पंतप्रधान इम्रान खान यांनी ‘देश चालवण्यासाठी पुरेसे पैसे सरकारकडे नाहीत’ अशी कबुली जाहीररित्या एका कार्यक्रमात दिल्यानंतर यावर शिक्कामोर्तब झाला. परंतु, या कबुलीनंतर इम्रान खान यांना आणखीन वेगवेगळ्या समस्यांना सामोरं जावं लागतंय. इतकंच नाही तर देशात आणि परदेशातही या गोष्टीची खिल्ली उडवली जातेय.

सर्बियातील दूतावासाच्या ट्विटर अकाऊंटवरून ट्विट

सर्बियातील पाकिस्तानच्या दूतावासाच्या अधिकृत ट्विटर हॅन्डलवरून आज एक ट्विट करण्यात आलं. या ट्विटमध्ये पंतप्रधान इम्रान खान यांची नक्कल करत त्यांची खिल्ली उडवण्यात आली होती. तसंच दूतावासाच्या कर्मचाऱ्यांना गेल्या तीन महिन्यांपासून वेतनही मिळालं नसल्याची तक्रार या ट्विटर अकाऊंटवरून करण्यात आल्यानंतर हा सगळ्या जगात चेष्टेचा विषय ठरलाय.

या ट्विटमध्ये पंतप्रधान इम्रान खान यांनाही टॅग करम्यात आलं होतं. या ट्विटनंतर आणखीन एक ट्विट करण्यात आलं ‘याशिवाय आणिखीन कोणताही पर्याय उपलब्ध नव्हता’ असं या ट्विटमध्ये म्हटलं गेलं होतं.

Sauleha Imtiaz: कर्तारपूर गुरुद्वारात फोटोशूटवरून वाद, कोण आहे मॉडेल सौलेहा इम्तियाज?
World Most Expensive City: महागाईच्या बाबतीत पॅरिस, सिंगापूरलाही ‘या’ शहरानं टाकलंय मागे!
सोशल मीडिया हॅक झाल्याचा पाकिस्तानचा दावा

ही बाब लक्षात आल्यानंतर, पाकिस्तान परराष्ट्र मंत्रालयानं मात्र दूतावासाचं ट्विटर, फेसबुक आणि इन्स्टाग्राम पेज हॅक करण्यात आल्याचं सांगितलं. जो मजकूर ट्विटच्या स्वरुपात पोस्ट करण्यात आला होता तो पाकिस्तानी दूतावासाकडून करण्यात आला नव्हता, असंही त्यांनी म्हटलं.

पाकिस्तानच्या सर्बिया दूतावासाचं ट्विट सोशल मीडियावर थोड्याच वेळात व्हायरल झाल्यानंतर पाकिस्तान अधिकाऱ्यांना जाग आली आणि त्यानंतर त्यांनी दूतावासाच्या ट्विटर अकाऊंटवरून हे ट्विट हटवलं.

पाकिस्तानसमोर मोठं संकट

नमूद करण्याजोगी गोष्ट म्हणजे, पाकिस्तानवर परदेशी कर्जाचा डोंगर उभा राहिलाय. त्यामुळे पाकिस्तान सरकारसमोर देश चालवायचा कसा? असा प्रश्न उभा आहे. दहशतवादाला प्रोत्साहन देण्याचा आरोप असलेल्या पाकिस्तानची जगातील प्रतिमा फारशी चांगली नाही. ‘फायनान्शिअल अॅक्शन टास्क फोर्स’ (Financial Action Task Force) च्या ‘ग्रे लिस्ट’मध्ये पाकिस्तानचं नाव कायम आहे. संयुक्त राष्ट्राकडून जाहीर करण्यात आलेल्या दहशतवादी आणि त्यांच्या संघटनांविरुद्ध कारवाईबद्दल माहिती देण्याची अट आंतरराष्ट्रीय संस्थेनं पाकिस्तानसमोर ठेवलीय. पाकिस्तानवर दहशतवादाला आर्थिक पाठबळ पुरवण्याचाही आरोप आहे.

Haibatullah Akhundzada: तालिबान सुप्रिमो हैबतुल्लाह अखुंदजादा जिवंत की मृत? गूढ वाढलं
India – China: भारताच्या तीव्र विरोधानंतर… श्रीलंकेत चीनची माघार!



Source link

Leave a Reply

Your email address will not be published. Required fields are marked *

%d bloggers like this: