तेजीची धडाका कायम; गुंतवणूकदारांनी केली चार लाख कोटींची कमाई


हायलाइट्स:

  • गुंतवणूकदारांनी आज सलग दुसऱ्या दिवशी बाजारात जोरदार खरेदी केली.
  • चौफेर खरेदीने आज सेन्सेक्सने १००० अंकाची कमाई केली.
  • निफ्टीत तब्बल २९३ अंकाची वाढ झाली.

मुंबई : ओमिक्राॅनच्या संकटावर लक्ष ठेवून असतानाच रिझर्व्ह बँकेने पतधोरणात विकास दराबाबत आशावाद कायम ठेवल्याचे पडसाद आज भांडवली बाजारात उमटले. गुंतवणूकदारांनी आज सलग दुसऱ्या दिवशी बाजारात जोरदार खरेदी केली. चौफेर खरेदीने आज सेन्सेक्सने १००० अंकाची कमाई केली तर निफ्टीत तब्बल २९३ अंकाची वाढ झाली. या तेजीच्या लाटेत गुंतवणूकदारांची मालमत्ता जवळपास ४ लाख कोटींनी वाढली.

मिळतोय अल्प प्रतिसाद; ‘आयपीओ’च्या भाऊगर्दीतही गुंतवणूकदारांनी ग्रे मार्केटमध्ये शेअरला डावलले
आज आरबीआयच्या पतधोरणकडे गुंतवणूकदारांचे लक्ष लागले होते. अचानक उद्भवलेल्या ओमिक्राॅनच्या संकटाने आरबीआय जीडीपीबाबत सुधारित अंदाज व्यक्त करते का याची बाजाराला उत्सुकता होती. मात्र गव्हर्नर शक्तिकांत दास यांनी पतधोरणात व्याजदर स्थिर ठेवले तसेच जीडीपी अंदाजात देखील कोणताही बदल केला नाही. त्यामुळे गुंतवणूकदार आश्वस्त झाले. त्यांनी खरेदीवर भर दिला असल्याचे शेअर दलालांनी सांगितले.

देशात गरिबी,विषमता वाढली; या अहवालात समोर आले भारतातील भीषण वास्तव
सकाळपासून सर्वच क्षेत्रात खरेदीचा ओघ दिसून आला. निफ्टी मंचावरील सर्वच क्षेत्रीय निर्देशांकात वाढ झाली. निफ्टी पीएसयू बँक निर्देशांक २.५७ टक्क्यांनी वधारला. तसेच निफ्टी मीडिया, निफ्टी ऑटो या निर्देशाकांत वाढ झाली. बाजार बंद होताना सेन्सेक्स १०१६ अंकांनी वधारला आणि तो ५८६४९ अंकावर स्थिरावला. निफ्टी २९३ अंकांनी वधारून १७४६९ अंकावर बंद झाला.

फोर्ब्सने केला सन्मान; भारतातील शक्तिशाली महिला म्हणून अर्थमंत्री सीतारामन यांचा गौरव
आजच्या सत्रात बजाज फायनान्स, मारुती सुझुकी, हिंदाल्को, एसबीआय, बजाज फिनसर्व्ह, ब्रिटानिया, एशियन पेंट या शेअरमध्ये वाढ झाली. निफ्टीवर एचडीएफसी लाईफ इन्शुरन्स, कोटक महिंद्रा बँक, पॉवरग्रीड, डिव्हीज लॅब, इंडियन ऑइल या शेअरमध्ये घसरण झाली. त्याशिवाय व्हर्ल्पूल, कंटेनर कॉर्प, टोरंट पॉवर , एमएमटीसी, थायोकेअर या शेअरमध्ये घसरण झाली.

ओमिक्रॉनबाबत महत्वाची माहिती समोर आली आहे. हा विषाणू तितका घातक नाही जितकी याची भीती वर्तवण्यात आली होती. त्याशिवाय याबाबत संशोधकांनी औषध शोधले असल्याचा दावा करण्यात आला आहे. परिणामी आज भांडवली बाजारात याचा सकारात्मक परिणाम दिसून आला, असे जिओजित फायनान्शिअल सर्व्हिसेसचे मुख्य विश्लेषक विनोद नायर यांनी सांगितले. दोन सत्रात सेन्सेक्सने १९०० अंकाची वाढ नोंदवली आहे.



Source link

Leave a Reply

Your email address will not be published. Required fields are marked *

%d bloggers like this: