Rohit Sharma on Virat Kohli: विराटने कर्णधारपद सोडल्यानंतर आली रोहित शर्माची प्रतिक्रिया; शेअर केला हा फोटो


नवी दिल्ली: विराट कोहलीने शनिवारी कसोटी संघाचे कर्णधारपद सोडले. विराटने आधी टी-२० संघाचे कर्णधारपद सोडले होते, त्यानंतर बीसीसीआयने त्याच्याकडून वनडे संघाचे कर्णधारपद काढून घेतले. आता त्याने दक्षिण आफ्रिकेविरुद्धची कसोटी मालिका गमवल्यानंतर कसोटी संघाचे नेतृत्व सोडले. विराट यापुढे कसोटी, वनडे आणि टी-२० मध्ये फक्त फलंदाज म्हणून योगदान देईल. विराटने घेतलेल्या या अचानक निर्णयावर मर्यादीत षटकाचा कर्णधार रोहित शर्माने प्रतिक्रिया दिली आहे.

विराटने टी-२० संघाचे कर्णधारपद सोडल्यानंतर रोहितकडे नेतृत्व देण्यात आले. विराटच्या कसोटी संघाच्या कर्णधारपद सोडल्यावर रोहितला देखील धक्का बसला. विराटच्या या निर्णयाच्या दुसऱ्या दिवशी हिटमॅनने रविवारी अधिकृत इंस्टाग्रामपेजवर विराटला टॅग करत त्याच्या सोबतचा कसोटी क्रिकेट खेळतानाचा फोटो शेअर केलाय. फोटो शेअर करताना तो म्हणतो, मला धक्का बसला. पण कर्णधार म्हणून भारतीय कर्णधार म्हणून त्याच्या यशस्वी कार्यकाळासाठी अभिनंदन. भविष्यासाठी त्याला खुप खुप शुभेच्छा!

वाचा-कसोटी क्रिकेटमध्ये झाला नवा विक्रम; १४५ वर्षात कधीच असे झाले नव्हते

दक्षिण आफ्रिका दौऱ्याच्या आधी रोहितला भारताच्या मर्यादित षटकांच्या संघाचे कर्णधारपद सोपवण्यात आले होते. पण दौरा सुरू होण्याआधी हॅमस्ट्रिंगच्या दुखापतीमुळे रोहित द.आफ्रिकेच्या दौऱ्यावर जाऊ शकला नाही. त्यामुळेच द.आफ्रिकेविरुद्ध होणाऱ्या वनडे मालिकेसाठी केएल राहुलकडे ही जबाबदारी सोपवण्यात आलीय.


विराटने द.आफ्रिकेविरुद्धच्या कसोटी मालिकेतील पराभवानंतर अचानक घेतलेल्या निर्णयाने सर्वांना धक्का दिला. विराटने २०१४ साली कसोटीचे कर्णधारपद स्विकारले होते. तेव्हा धोनीने ऑस्ट्रेलियाविरुद्ध सुरू असलेल्या कसोटी मालिकेच्या मध्येच कर्णधारपद सोडण्याचा निर्णय घेतला होता. विराटच्या नेतृत्वाखाली भारतीय संघ कसोटीत अव्वल स्थानी पोहोचला होता. त्याने ऑस्ट्रेलियात प्रथमच मालिका जिंकण्याचा पराक्रम केला.

प्रामाणीकपणे सांगतो की….

प्रत्येक गोष्टीला कोणत्या ना कोणत्या ठिकाणी थांबावे लागते. या संपूर्ण प्रवासात अनेक चढ उतार आले. पण प्रयत्न करण्यात किंवा विश्वास ठेवण्यात कधी कमी पडलो नाही. माझे काम मी पूर्ण प्रामाणीकपणे केले, असे विराटने कर्णधारपद सोडताना म्हटले.





Source link

Leave a Reply

Your email address will not be published.

%d bloggers like this: