धार्मिक न्यूज

शांत,सुखी,संपन्न भारतासाठी सर्वांनी प्रयत्न करावेत – डॉ मुफ्ती हारुण नदवी

शांत,सुखी,संपन्न भारतासाठी सर्वांनी प्रयत्न करावेत – डॉ मुफ्ती हारुण नदवी

मुस्लीम खाटीक समाजाने शैक्षणीक क्रांती करावी – सादिक खाटीक

नंदुरबार /ज्ञानप्रवाह न्यूज – शांत,सुखी, संपन्न भारतासाठी सर्वांनी डोळसपणे प्रयत्न करावेत असे आवाहन मुस्लीम खाटीक समाजाचे राष्ट्रीय अध्यक्ष डॉ मुफ्ती हारुण नदवी यांनी केले .

मुस्लीम खाटीक समाजाने सामुदायिक शक्तीतून शैक्षणीक क्रांती करावी असे आवाहन राष्ट्रवादी काँग्रेस पार्टी ओबीसी विभागाचे प्रदेशचे उपाध्यक्ष सादिक खाटीक यांनी केले .

मुस्लीम खाटीक समाज व सेवाभावी संस्था नंदुरबार यांच्या वतीने बादशहा नगर येथील सामाजीक सभागृहात संपन्न झालेल्या २६ जोडप्यांच्या सामुदायीक विवाह सोहळ्यात प्रमुख पाहुणे म्हणून डॉ मुक्ती हारुण नदवी आणि सादिक खाटीक बोलत होते .

या सामुदायीक विवाह सोहळ्यासाठी मध्यप्रदेश, गुजरात, महाराष्ट्र, तेलंगणा, आंध्रप्रदेश इत्यादी सह देशातील अनेक ठिकाणांहून लोक आले होते.

मुस्लीम खाटीक समाजाचे राष्ट्रीय अध्यक्ष डॉ मुफ्ती हारुण नदवी यांनी मार्गदर्शनात सामुदायीक विवाह सोहळ्याचे आयोजन करणारे, त्यासाठी श्रमणारे तसेच नवजीवन सुरू करणारे नवदांम्पत्य आणि उपस्थित हजारोंना मनस्वी शुभेच्छा दिल्या. मुलाबाळांना उत्तम दर्जाचे शिक्षण – तालीम द्या असे स्पष्ट करून डॉ मुफ्ती हारूण नदवी यांनी, तरुणाईला नशा गुटख्या पासून दूर राहण्याचा सल्ला दिला.

वधु वर २६ जोडप्यांचा विवाह विधी त्यांनी पार पाडला .धर्मांतरीत नवबौद्ध बांधवांना पूर्वी दिले जाणारे अनुसुचित जातीचे आरक्षण पुन्हा देण्यासाठी घटनादुरुस्ती केली जाते . त्याच न्यायाने मुस्लीम खाटीक वगैरे मुस्लीम मागासांना दिले १९३६ ते १९५० पर्यत जाणारे अनुसूचित जातीचे आरक्षण धर्मांतरीत नवमुस्लीमांना पुन्हा देण्यासाठी घटना दुरुस्ती करून केंद्राने न्याय द्यावा . यासाठी राज्य सरकारने तातडीने प्रस्ताव पाठवावा असे आवाहन सादिक खाटीक यांनी केले.

सामुदायीक विवाह सोहळ्यात सहभागींना शुभेच्छा देवून नंदूरबारचे माजी आमदार चंद्रकांत रघुवंशी यांनी मुस्लीम खाटीक समाजाच्या समाज मंदिरासाठी नगर पालिकेच्या माध्यमातून जागा व निधी मिळवून देण्यासाठी प्रयत्न करू असे आश्वासन दिले .

महाराष्ट्र,गुजरात,मध्यप्रदेश मुस्लीम खाटीक समाजाचे अध्यक्ष आणि आजी माजी पदाधिकारी त्यामध्ये सर्वश्री अध्यक्ष युसूफ खाटीक, माजी अध्यक्ष एल ए शेख, हाजी नबादादा,हाजी अरीफभाई,डॉ.रौफ खाटीक, शेरू हाजी, हाजी अजिजभाई, शरीफभाई, शकील कुरेशी सर ,अन्वर खाटीक, युवा अध्यक्ष आदिल खाटीक,अनस आरिफ खाटीक,शाहीन रौफ खाटीक , हज्जन अफसाना आरीफ खाटीक आदी उपस्थित होते.स्वागत प्रास्ताविक सुत्रसंचालन डॉ.रौफ खाटीक, फारूक खाटीक यांनी केले.शेरू हाजी यांनी आभार मानले .

Leave a Reply

Your email address will not be published. Required fields are marked *