पंढरपूरमध्ये राजकीय चकमक, परिचारकांचे आव्हान – भालकेंचा जोरदार पलटवार
परिचारकांचे उघड आव्हान – भालकेंनी विकासकामांची यादी ठेवत प्रत्युत्तरात केला प्रतिहल्ला
पंढरपूर / ज्ञानप्रवाह न्यूज – पंढरपूर नगरपालिकेच्या राजकारणात आरोप- प्रत्यारोपांचा जोर वाढला आहे.भाजप नेते प्रशांत परिचारक यांनी सभेत घेतलेल्या सभेत भगीरथ भालके यांना थेट आव्हान देत म्हटले बारा वर्षांमध्ये तुझ्या बापाने केलेलं एक काम सांग, मी माझे सर्व उमेदवार माघारी घेतो.
या वक्तव्याने राजकीय वातावरण आणखी तापले असून त्यावर भगीरथ भालके यांनी तितक्याच तीक्ष्ण शब्दांत प्रत्युत्तर दिले. त्यांनी स्पष्ट केले की, ज्या कामांची तुलना तुम्ही करत आहात, ती कामे तुम्ही चाळीस वर्षांत केली नाहीत, तेवढी कामे स्व.आमदार भारत भालके यांनी नगराध्यक्षांच्या अडीच वर्षांच्या कारकिर्दीत करून दाखवली.
भालके पुढे म्हणाले की,शब्दाला जगणारे असाल, तर खरे आकडे आणि कामे ऐका आणि मग दिलेला शब्द पाळा. त्यांच्या म्हणण्यानुसार स्व.भारत भालके यांनी त्यांच्या नगराध्यक्षांच्या फक्त अडीच वर्षांच्या काळात केलेली कामे भाजपच्या 40 वर्षांच्या तुलनेत अधिक आहेत.स्व.आमदार भारत भालके यांनी नगरोत्थान योजनेतून मुख्यमंत्री अशोक चव्हाण यांच्या माध्यमातून तब्बल 58 कोटींची विकासकामे पंढरपूरला आणली. 2015 पर्यंत पूर्ण झालेली ती प्रमुख कामे पुढीलप्रमाणे –
भारत नाना भालके यांची उल्लेखनीय कामे (निवडक)
आंबेडकर चौक – गाडगेबाबा चौक रस्ता
भाई राऊळ पुतळा – माळीवस्ती रस्ता
न्यायाधीश बंगला – मार्केट यार्ड – केबीपी कॉलेज रस्ता
अर्बन बँक – अंबाबाई पटांगण रस्ता
जुन्या एसटी स्टँड ते रेल्वे रुळाजवळील रस्ता
इसबावी – 10 लाख लिटर पाणी टाकी
बिडारी बंगल्याच्या मागे – 10 लाख लिटर पाणी टाकी
विस्थापित नगर – गुरुदेव नगर ड्रेनेज लाईन
भक्ती मार्ग अग्निशामक केंद्र
लिंक रोड जलशुद्धीकरण केंद्र कंपाऊंड
डॉ. बाबासाहेब आंबेडकर स्मारक
क्रांतीसुर्य महात्मा फुले स्मारक अशी आहेत .
भगिरथ भालकेंनी पुढे विचारले की अण्णाभाऊ साठे यांचा पुतळा नानांनी दिला; मग तो आजही बंदिस्त का?
भालके म्हणाले की, नाना कार्यसम्राट आमदार होते म्हणून 2014 मोदी लाटेतही पंढरपूरमध्ये भाजपला पराभूत व्हावे लागले हे लक्षात ठेवा असं ठणकावत भगीरथ भालके यांनी प्रशांत परिचारकांना जोरदार इशारा दिला.
