विराट कोहलीऐवजी ट्वेन्टी-२० विश्वचषकात या खेळाडूला कर्णधार करा, सुनील गावस्कर यांचा मोलाचा सल्ला
हे होऊ शकतात उपकर्णधार
गावस्कर यांनी केवळ कर्णधारच नाही, तर पुढील दोन उपकर्णधार कोण असू शकतात, हे देखील सांगितलं. गावस्कर म्हणाले, “मला के.एल. राहुलला उपकर्णधार म्हणून पाहायचं आहे. मी रिषभ पंतलाही लक्षात ठेवेन, कारण त्याने ज्या प्रकारे स्टार खेळाडूंचा भरणा असलेल्या दिल्ली कॅपिटल्स संघाचे नेतृत्व केले आहे, ते विलक्षण आहे. ज्याप्रकारे तो गोलंदाजीत बदल करत आहे, ज्या प्रकारे तो एन्रिक नॉर्खिया आणि कागिसो रबाडा या गोलंदाजांचा वापर करत आहे, ते कमाल आहे. तो एक हुशार कर्णधार असल्याचे यातून दिसून येते. आपल्याला नेहमीच एका चतुर कर्णधाराची आवश्यकता असते, जो त्वरित कार्यवाही करतो. राहुल आणि पंत हे दोन खेळाडू आहेत, जे उपकर्णधार होऊ शकतात.
यामुळे विराटने कर्णधारपद सोडले
कोहलीने काही दिवसांपूर्वीच विश्वचषकानंतर टीम इंडियाच्या टी-२० कर्णधारपदावरून पायउतार होण्याचा निर्णय घेतला होता. तसेच आयपीएल २०२१ नंतर तो रॉयल चॅलेंजर्स बंगळुरूचे कर्णधारपदही सोडणार आहे. टीम इंडियाचे कर्णधारपद सोडण्याचा निर्णय देताना कोहली म्हणाला होता की, कामाच्या ताणामुळे तो हा निर्णय घेत आहे. कोहलीने एकदिवसीय आणि कसोटी संघाचे कर्णधारपद कायम ठेवणार असल्याचे सांगितले होते. कोहलीच्या नेतृत्वाखाली टीम इंडियाचा हा शेवटचा टी-२० विश्वचषक असेल.
