मुंबई : महाराष्ट्रातील गणेश उत्सवापूर्वी लाखो लोकांना दिलासा देणारी बातमी समोर आली आहे. राज्य परिवहन कर्मचारी संघटनेने संप मागे घेतला असून मुख्यमंत्री एकनाथ शिंदे यांनी महाराष्ट्र परिवहन विभागाच्या कर्मचाऱ्यांसोबत घेतलेली बैठक यशस्वी झाली. तसेच मुख्यमंत्र्यांनी कर्मचाऱ्यांच्या मागण्या मान्य केल्या आहे. पगारात सहा हजार ते साडेसहा हजार रुपयांची वाढ केली जाईल, असे आश्वासन मुख्यमंत्री शिंदे यांनी दिले आहे. राहिलेल्या मागण्याही मान्य करण्यात आल्या आहे. यानंतर कर्मचारी संघटनेने संप मागे घेतला.
मिळालेल्या माहितीनुसार महाराष्ट्र राज्य परिवहन कर्मचारी युनियन संघटनेची मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यासमवेत बैठक झाली. राज्य सरकारी कर्मचाऱ्यांना पाच हजार रुपयांच्या पगारवाढीसह महागाई भत्ता आणि घर भत्ता द्यावा, अशी कर्मचाऱ्यांची मागणी होती. बैठकीनंतर परिवहन कर्मचारी संघटनेच्या कर्मचाऱ्यांनी सह्याद्री अतिथीगृहाबाहेर आनंदोत्सव साजरा करून शासनाचे आभार मानले.
Discover more from Dnyan pravah news
Subscribe to get the latest posts sent to your email.
ADVERTIISEMENT
-----------------------------------------------------
