navjot singh sidhu : नवज्योत सिंग सिद्धू बोलले, ‘… तर आपण तोंड दाखवण्या लायक राहणार नाही’


चंदिगडः पंजाब काँग्रेस प्रदेशाध्यक्षपदाचा राजीनामा दिल्यानंतर काँग्रेस नेते नवज्योत सिंग सिद्धू ( navjot singh sidhu ) यांनी रविवारी ट्विट केले. सिद्धू यांनी ट्विटमधून आपल्या मागण्यांचा पुनरुच्चार केला आहे. पंजाबचे पोलीस प्रमुख आणि महाधिवक्ता यांना बदलण्याची मागणी सिद्धूंनी केली आहे. असं केलं नाही, तर आपण तोंड दाखवण्या लायक राहणार नाही, असं सिद्धू म्हणाले. राज्यातील चरणजीत सिंग चन्नी यांच्या नेतृत्वाखालील सरकारवर पोलीस महासंचालक आणि महाधिवक्ता बदलण्यासाठी सिद्धूंनी सिद्धू यांनी ट्विट करून पुन्हा दबाव आणल्याचं बोललं जातंय. तसंच सिद्धू अजूनही या नियुक्त्यांमुळे नाराज असल्याचं दिसून येतंय.

मुख्यमंत्री चरणजीत सिंग चन्नी आणि सिद्धू यांची तीन दिवसांपूर्वी बैठक झाली. सर्व प्रमुख निर्णय घेण्यापूर्वी राज्य सरकारला सल्ला देण्यासाठी एक समन्वय समिती स्थापन करण्याचा निर्णय या बैठकीत घेण्यात आला. २०१७ मध्ये गुरु ग्रंथ साहिब अवमान प्रकरणी केलेला विरोध आणि ड्रग तस्करांच्या अटकेच्या मागण्यांमुळे काँग्रेसची सत्ता आली. पण या प्रकरणी कारवाई करण्यात अपयशी ठरल्याने आधीच्या मुख्यमंत्र्यांना हटवण्यात आले. आता एजी/डीजींच्या नियुक्तीने पीडितांच्या जखमेवर मीठ चोळले जात आहे. त्यांना हटण्यात यावे अन्यथा आपण तोंड दाखवण्या लायक राहणार नाही, असं सिद्धू म्हणाले.

नवज्योत सिंग सिद्धू यांचे ट्विट


piyush goyal : ‘काही फायद्यांसाठी काँग्रेस आपलीच सरकारे अस्थिर आणि राष्ट्रीय सुरक्षेशी तडजोड कर

सिद्धू यांनी काही दिवसांपूर्वी पंजाब काँग्रेस अध्यक्षपदाचा राजीनामा दिला होता. राज्याचे पोलीस महासंचालक, महाधिवक्ता आणि कलंकित नेत्यांच्या नियुक्तीवर प्रश्न उपस्थित केले होते. पंजाबच्या अतिरिक्त पोलिस महासंचालकपदी नियुक्ती केलेल्या इक्बाल प्रीत सिंह सहोटा यांना हटवण्याची मागणी सिद्धू करत आहेत. तसंच राज्याचे नवनियुक्त महाधिवक्ता ए. एस. देओल यांना हटवण्याची मागणी करत आहेत.

navjot singh sidhu : ‘संपूर्ण काँग्रेस नवज्योत सिंग सिद्धूंच्या कॉमेडीत रंगलीय’



Source link

Leave a Reply

Your email address will not be published.

%d bloggers like this: