रोहित शर्माने मुंबई इंडियन्सच्या विजयाबद्दल केला मोठा खुलासा; म्हणाला, ठरवूनच जिंकलो !


शारजाह: आयपीएलच्या १४व्या हंगामात मंगळवारी झालेल्या सामन्यात मुंबई इंडियन्सने राजस्थान रॉयल्सचा ८ विकेटनी पराभव केला. प्ले ऑफमध्ये जाण्यासाठी मुंबई इंडियन्सला राजस्थानविरुद्धच्या लढतीत विजय मिळवणे गरजेचे होते. या सामन्यात मुंबईच्या गोलंदाजांनी अफलातून कामगिरी केली आणि राजस्थानला फक्त ९० धावांवर रोखले. त्यानंतर मुंबईने फक्त ८.२ षटकात विजय मिळवला. या विजयामुळे मुंबई इंडियन्सचे नेट रनरेट सुधारले असून ते गुणतक्त्यात पाचव्या स्थानावर पोहोचले आहेत.

वाचा- धोनीच्या निवृत्तीवर CSK ने दिलं मोठं अपडेट; वाचा सविस्तर बातमी

राजस्थानविरुद्धच्या विजयानंतर मुंबई इंडियन्सचा कर्णधार रोहित शर्माने एक मोठा खुलासा केला. संघाचे नेट रनरेट चांगले ठेवण्याच्या उद्देशाने ठरवूनच ही मॅच जिंकण्याचे आम्ही ठरवले होते, असे त्याने सांगितले. १३ सामन्यात मुंबई आणि कोलकाता संघाचे प्रत्येकी १२ गुण आहेत. कोलकाताचे नेट रनरेट प्लस ०.२९४ तर मुंबईचे वजा ०.०४८ इतके आहे. या दोन्ही संघाच्या प्रत्येकी एक लढती शिल्लक आहेत.

वाचा- चक दे इंडिया! FIHच्या सर्व पुरस्कारांवर भारतीय हॉकी खेळाडूंनी कोरलं नाव

आम्ही राजस्थानविरुद्ध दोन गुणांसाठी मैदानात उतरलो होतो. त्याच बरोबर नेट रनरेट देखील चांगले करायचे होते. आमची सुरुवात चांगली झाली, ज्यामुळे काम सोपे झाले, असे रोहित म्हणाला. खराब फॉर्ममुळे काही सामन्यात संघाबाहेर असलेल्या ईशान किशनने २६ चेंडूत नाबाद ५० धावा केल्या.

वाचा- षटकार मारून विजय मिळून देणारा आता बॅटिंग विसरला; ‘सुपर स्लो’ फलंदाजीवर चाहते भडकले

इशान काही सामन्यातील गॅपनंतर खेळत होता. आमची इच्छा होती की त्याने अशा पद्धतीने खेळावे. या सामन्यात त्याने हेच केले, असे रोहित म्हणाला.

प्ले ऑफबद्दल रोहित म्हणाला…

सर्व संघ एकमेकांचा पराभव करण्यास सक्षम आहेत. ही गोष्ट चांगली आहे की केकेआर आमच्या आधी खेळणार आहे. त्यामुळे आम्हाला माहिती असेल की नेमके काय करायचे आहे.



Source link

Leave a Reply

Your email address will not be published.

%d bloggers like this: