Road Accident: डबलडेकर बस आणि वाळूनं भरलेल्या ट्रकची जोरदार धडक, १४ जागीच ठार


हायलाइट्स:

  • वाळूनं भरलेल्या ट्रकचा चुकीच्या बाजुनं प्रवास इतरांच्या जीवावर उठला
  • अपघातात १४ जणांनी प्राण गमावले तर ३० जण गंभीर जखमी
  • जखमींना बाराबंकीच्या ट्रॉमा सेंटरमध्ये हलवलं

लखनऊ : उत्तर प्रदेशच्या बाराबंकी जिल्ह्यात गुरुवारी पहाटे झालेल्या एक भीषण रस्ते अपघात घडलाय. डबलडेकर व्होल्वो बस आणि ट्रकमध्ये जोरदार धडक झाल्यानं हा अपघात घडलाय. या भयंकर अपघातात १४ जणांचा जागीच मृत्यू झाल्याची प्राथमिक माहिती हाती येतेय. तर जवळपास ३० जण गंभीर जखमी अवस्थेत आहेत. जखमींना जवळच्या रुग्णालयात उपचारासाठी हलवण्यात आलंय.

बस आणि ट्रकमध्ये धडक झाल्यानंतर अवाढव्य ट्रकचाही चक्काचूर झालाय. अपघातग्रस्त गाड्यांची अवस्था पाहिल्यानंतर हा अपघात किती भयंकर होता याची कल्पना येऊ शकेल.

गुरुवारी पहाटे ५.०० वाजल्याच्या सुमारास हा अपघात घडल्याचं समजतंय. लखनऊपासून जवळपास २० किलोमीटर अंतरावर देवा स्टेशन परीसरात माती रोडवर हा अपघात घडलाय.

Navratri 2021: पंतप्रधान मोदी नवरात्रौत्सवात सहभागी, उत्तम आरोग्य-समृद्धीसाठी केली प्रार्थना
railway employees : खूशखबर! रेल्वे कर्मचाऱ्यांना मोदी सरकारची दिवाळी भेट; मिळणार ‘इतक्या’ दिवसांचा बोनस
वाळूनं भरलेल्या आणि चुकीच्या बाजुनं भरधाव वेगानं येणाऱ्या ट्रकनं समोरून येणाऱ्या व्होल्वो बसला जोरदार धडक दिली. डबलडेकर बसमधून प्रवास करणाऱ्या प्रवाशांना या अपघातामुळे जोरदार झटका बसला. या अपघातानंतर वाहनचालकानं घटनास्थळावरून पळ काढल्याची माहिती हाती येतेय.

जखमींना बाराबंकीच्या ट्रॉमा सेंटरमध्ये दाखल करणयात आलंय. काही जखमी प्रवाशांची परिस्थिती अत्यंत चिंताजनक आहे. त्यांना अधिक चांगल्या उपचारासाठी लखनऊला धाडण्यात येण्याची शक्यता आहे.

मिळालेल्या माहितीनुसार, वाळूनं भरलेला ट्रक दिल्लीहून बहराइचला जात होता. अपघाताची माहिती मिळताच पोलीस तत्काळ घटनास्थळी दाखल झाले. जेसीबी मशीनच्या सहाय्यानं बस आणि ट्रकचा मलबा हटवून रस्ता वाहतुकीसाठी खुला करण्यात आला आहे.

railway employees : खूशखबर! रेल्वे कर्मचाऱ्यांना मोदी सरकारची दिवाळी भेट; मिळणार ‘इतक्या’ दिवसांचा बोनस
VIDEO: लखीमपूर हिंसाचाराचा आणखीन एक धक्कादायक व्हिडिओ समोर, ‘मंत्रीपुत्राचा’ही उल्लेख



Source link

Live Sachcha Dost TV

Leave a Reply

Your email address will not be published. Required fields are marked *

%d bloggers like this: