dalit man beaten to death : बेदम मारहाण करत एका दलित तरुणाची क्रूर हत्या, व्हिडिओ व्हायरल


दिल्ली, जयपूरः राजस्थानच्या हनुमानगढ जिल्ह्यातील पिलीबंगा येथे एका दलित तरुणाची हत्या ( dalit man beaten to death ) केल्याप्रकरणी पोलिसांनी तीन जणांना अटक केली आहे. या घटनेचा व्हिडिओ देखील व्हायरल झाला आहे. गुरुवारी संध्याकाळी ही घटना घडली. व्हायरल व्हिडिओत काही लोक क्रूरपणे जगदीश नावाच्या व्यक्तीला मारहाण करताना दिसत आहेत. यानंतर हे प्रकरण तापले आणि भीम आर्मीच्या कार्यकर्त्यांनी मारेकऱ्यांच्या अटकेसाठी मृतदेहासह धरणे आंदोलन केले.

प्रशासन आणि पोलिसांशी चर्चा केल्यानंतर भीम आर्मीने आंदोलन मागे घेतले. मृतावर अंतिम संस्कार करण्यात आले असून पोलिसांनी या प्रकरणी तीन जणांना अटक केली आहे. इतर आरोपींना अटक करण्यासाठी पोलिसांची पथकं रवाना करण्यात आली आहेत. प्रथमदर्शनी हे प्रेम प्रकरण असल्याचं दिसतंय, असं हनुमानगड जिल्हा पोलीस उपअधीक्षक रणवीर सिंह म्हणाले.

भाजपने काँग्रेस आणि राजस्थानमधील मुख्यमंत्री अशोक गहलोत सरकारवर निशाणा साधला आहे. राहुल गांधी, प्रियांका गांधी वाड्रा, पंजाबचे मुख्यमंत्री चरणजीत सिंग चन्नी आणि छत्तीसगडचे मुख्यमंत्री भूपेश बघेल हे आता राजस्थानमध्ये पीडित कुटुंबीयांना भेटण्यासाठी जाणार का? राजस्थानमध्ये सर्वाधिक गंभीर गुन्हे होत आहे. ना दलित सुरक्षित आहेत ना महिला. काँग्रेस शासित राज्यात मुख्यमंत्र्यांच्या नाकाखाली हत्या होत आहेत. त्यांची साधी दखलही घेतली जात नाहीत, अटकही होत नाही. भाजपच्या राज्यात असं घडलं नाही का? असं म्हणत काँग्रेस नेते मृताची किंमत करत आहेत, यावर कोणी काहीच बोलले नाही, असा आरोप भाजपने केला आहे.

मैत्रिणीवरून दोन विद्यार्थी एकमेकांना भिडले; विद्यापीठात गोळीबार, एकाचा मृत्यू

ही अतिशय वाईट आणि दुःखद घटना आहे. त्या तरुणाला बेदम आणि क्रूरपणे मारहाण करण्यात येत असल्याचं व्हायरल व्हिडिओमध्ये दिसत आहे. राजस्थानमधील कायदा आणि सुव्यवस्था गुंडांच्या हाती गेली आहे. तेथे २ गट आपसात भिडले आहेत आणि सरकारने जनतेला वाऱ्यावर सोडलं आहे, असा गंभीर आरोप भाजप नेते राज्यवर्धन सिंह राठोड यांनी केला आहे.

lakhimpur kheri news : लखीमपूर खिरी हिंसाचार; आरोपी मंत्रिपुत्र आशिष मिश्राची न्यायालयीन कोठडीत रवानगी



Source link

Leave a Reply

Your email address will not be published.

%d bloggers like this: