देशात पहिल्यांदाच धावणार एअर ट्रेन,कुठून कुठे धावणार जाणून घ्या

सर्व काही व्यवस्थित राहिल्यास, 2027 पर्यंत भारतात पहिली एअर ट्रेन किंवा ऑटोमेटेड पीपल मूव्हर (APM) प्रणाली सुरू होईल. दिल्ली इंटरनॅशनल एअरपोर्ट लिमिटेड (DIAL) ने या प्रकल्पासाठी निविदा जारी केली आहे.

ही सुविधा सुरू झाल्यानंतर, इंदिरा गांधी आंतरराष्ट्रीय (IGI) विमानतळाच्या टर्मिनल्स दरम्यान DTC शटल बसने प्रवास करणे आता भूतकाळातील गोष्ट होईल. प्रवासी एअर ट्रेनद्वारे एका टर्मिनलवरून दुसऱ्या टर्मिनलवर पोहोचणार.प्रकल्पाचे बांधकाम 2027 च्या अखेरीस पूर्ण करण्याचे लक्ष्य आहे.

एपीएम प्रकल्पांतर्गत 7.7 किमी लांबीच्या मार्गासाठी हवाई ट्रेन चालवली जाईल. यात चार थांबे असतील – T-2/3, T-1, एरोसिटी आणि कार्गो सिटी. सूत्रांनी दिलेल्या माहितीनुसार, चालू आर्थिक वर्षाच्या अखेरीस निविदेबाबत निर्णय घेतला जाईल.दिल्लीच्या IGI विमानतळावरही ही सेवा मोफत असेल असे मानले जात आहे. 

Edited By – Priya Dixit 

Source link