केकेआरने आंद्रे रसेलला फायनलमध्ये का दिली नाही संधी, जाणून घ्या कारण…


दुबई : कोलकाता नाइट रायडर्सच्या संघाने आजच्या अंतिम फेरीसाठी जेव्हा आपला संघ जाहीर केला तेव्हा सर्वांनाच मोठा धक्का बसला. कारण कोलकाताच्या संघात यावेळी हुकमी एक्का समजल्या जाणाऱ्या आंद्रे रसेलला संधी देण्यात आली नाही. रसेलला यावेळी केकेआरने संधी का दिली नाही, याचे कारणही आता समोर आले आहे.

कोलकाताच्या संघाचा कर्णधार इऑन मॉर्गन आहे आणि त्याचबरोबर शकिब अल हसन, ल्यूकी फर्ग्युसन व सुनील नरिन हे तीन परदेशी खेळाडू आहेत. एका संघात चारच परदेशी खेळाडू खेळू शकतात. त्यामध्ये शकिब, नरिन आणि ल्यूकी चांगल्या फॉर्मात असून ते सातत्याने विके्टस मिळवत आहेत. दुसरीकडे मॉर्गन चांगल्या फॉर्मात नसला तरी कर्णधारालाच बदलण्याचा निर्णय केकेआरचे संघ व्यवस्थापन या महत्वाच्या सामन्यात घेऊ शकत नाही. त्यामुळे रसेलला आजच्या महत्वाच्या सामन्यातही संघाबाहेर राहावे लागले. गेल्या २-३ सामन्यांपासून रसेल फिट असून संघात येईल, असे वाटत होते. पण गेल्या ३-४ सामन्यांपासून नरिन, शकिब आणि ल्यूकी हे चांगली कामगिरी करत आहेत. त्यामुळे त्यांना संघाबाहेर कोणत्या कारणावरुन काढणार, हा प्रश्न केकेआरला पडला असेल. त्यामुळे आजचा सामना महत्वाचा असूनही त्यांना रसेलला संघात स्थान देता आले नाही. आयपीएलच्या दुसऱ्या सत्रात या मैदानावर झालेल्या १२ पैकी ९ लढतीत दुसऱ्यांदा फलंदाजी करणाऱ्या संघाने विजय मिळवला आहे. दुबईची खेळपट्टी थोडी धिमी असली तरी ती फलंदाजीसाठी चांगली आहे. या मैदानावरील सरासरी धावसंख्या १५२ इतकी आहे. दुबईचे हवामान गरम असल्याने पण खेळाडू गेल्या काही दिवासांपासून तेथे असल्याने याचा फार फटका बसणार नाही.

असा आहे चेन्नई सुपर किंग्जचा संघ-
फाफ डु प्लेसिस, ऋतुराज गायकवाड, रॉबिन उथप्पा, मोईन अली, अंबाती रायडू, महेंद्र सिंह धोनी (कर्णधार), रविंद्र जडेजा, ड्वेन ब्रावो, शार्दुल ठाकूर, दिपक चाहर, जोश हेजलवुड

असा आहे कोलकाता नाईट रायडर्सचा संघ-
शुभमन गिल, वेंकटेश अय्यर, नितिश राणा, राहुल त्रिपाठी, इयॉन मॉर्गन (कर्णधार), दिनेश कार्तिक, शाकिब अल हसन, सुनिल नरेन, लॉकी फग्युसन, शिवम मावी, वरुण चक्रवर्ती.



Source link

Leave a Reply

Your email address will not be published. Required fields are marked *

%d bloggers like this: