काँग्रेस, महाविकास आघाडीचे अधिकृत उमेदवार चेतन नरोटे यांनी शक्ती प्रदर्शन करत उमेदवारी अर्ज दाखल केला
सोलापूर/ज्ञानप्रवाह न्यूज – माजी केंद्रीय गृहमंत्री सुशिलकुमार शिंदे यांच्या मार्गदर्शनाखाली खासदार प्रणितीताई शिंदे व महाविकास आघाडीचे सर्व ज्येष्ठ नेतेमंडळी यांच्या प्रमुख उपस्थितीत सोलापूर शहर मध्य विधानसभा काँग्रेस महाविकास आघाडीचे अधिकृत उमेदवार चेतन नरोटे यांनी रामलाल चौक येथून पदयात्रा काढून शक्ती प्रदर्शन करत उमेदवारी अर्ज दाखल केला.
प्रथम सोलापूर शहरातील प्रमुख मंदिर, प्रार्थनास्थळ, महापुरुषांना वंदन केले.
यावेळी काँग्रेस व महाविकास आघाडीचे सर्व घटक पक्षाचे पदाधिकारी कार्यकर्ते सर्व नागरिक बंधू भगिनीं हजारोंच्या संख्येने उपस्थित होते.
