समीर वानखेडे यांच्या विरोधात नवाब मलिक आक्रमक; वादाची सुरुवात कशी झाली?
Authored by टीम मटा ऑनलाइन | महाराष्ट्र टाइम्स.कॉम | Updated: Oct 22, 2021, 2:49 PM
नार्कोटिक्स कंट्रोल ब्यूरो (NCB) या संस्थेचे मुंबई विभागीय संचालक समीर वानखेडे यांच्यावर कॅबिनेट मंत्री नवाब मलिक यांनी वसुलीचे गंभीर आरोप केले होते.
- नवाब मलिक– वानखेडे दुबई व मालदीवला जाऊन बॉलिवूड कलाकारांकडून हप्ता वसुली करत होते,असा गंभीर आरोप वानखेडे यांनी केला आहे. शिवाय, करोना काळात जेव्हा संपूर्ण बॉलिवूड मालदीवमध्ये होतं तेव्हा वानखेडेदेखील तिथे गेले होते.
- समीर वानखेडे– नवाब मलिकांच्या आरोपांवर समीर वानखेडे यांनी स्पष्टीकरण दिलं आहे. मी कधीच दुबईला गेलो नाहीये. हवं तर नवाब मलिकांनी माझा पासपोर्ट तपासावा. मी मालदीवला जरुर गेलो होतो. मात्र, तेव्हा मी रिसतर सुट्टीची परवानगी घेऊन कुटुंबासोबत गेलो होते. नवाब मलिकांनी केलेले आरोप तथ्यहिन आहेत.
- नवाब मलिक– समीर वानखेडे यांच्याविरोधात नवाब मलिक यांनी काही फोटो शेअर केले होते. मलिक यांच्या म्हणण्यानुसार हे फोटो १० ऑक्टोबर २०२०मधील असून हॉटेल ग्रँड हयातमधील आहेत.
- समीर वानखेडे– समीर वानखेडे यांनी नवाब मलिकांचा हा दावा फेटाळून लावला आहे. नवाब मलिकांनी शेअर केलेले फोटो हे दुबईतील नसून मुंबईतील आहेत. त्या दिवशी मी मुंबईत ऑन ड्युटी होतो व रिया चक्रवर्ती प्रकरणाची चौकशी करत होतो, असं उत्तर समीर वानखेडे यांनी दिलं आहे.
- नवाब मलिक– समीर वानखेडे यांची नोकरी एका वर्षात जाईल. त्यांच्या विरोधात माझ्याकडे पुरावे आहेत. जे मी येणाऱ्या काळात सादर करणार आहे. त्यानंतर समीर वानखेडे एक दिवसही नोकरी करु शकणार नाहीत व त्यांना जेलमध्ये जावं लागेल, असा दावा नवाब मलिक यांनी केला आहे.
- समीर वानखेडेः समीर वानखेडे यांनी म्हटलं की मी एक साधा सरकारी अधिकारी आहे. जर ड्रग्ज कारवाई आणि त्यांचे सेवन करणे आणि त्याची विक्री करणाऱ्यांवर कारवाई करण्यावरुन जेलमध्ये टाकत असतील तर मी त्यांचं स्वागत करतो, असं उत्तर त्यांनी दिलं आहे.
- नवाब मलिकः समीर वानखेडे हे बनावट कारवाई करतात व त्याच्या आडून हफ्ते वसुल करतात, असा आणखी एक आरोप नवाब मलिक यांनी केला होता
- समीर वानखेडे– समीर वानखेडे यांनी नवाब मलिकांच्या आरोपांवर उत्तर देत त्यांच्याविरोधात कायदेसीर कारवाई करण्याचा इशारा दिला आहे. नवाब मलिक माझ्यावर व माझ्या कुटुंबावर आरोप करत आहेत. ते एक मोठे मंत्री आहेत व मी एक सरकारी कर्मचारी आहे.
- नवाब मलिक– नवाब मलिक यांनी समीर वानखेडे यांच्यावर आणखी एक आरोप केला होता. फ्लेचर पटेलला वानखेडे यांनी अनेक प्रकरणात पंच म्हणून नियुक्त केले होते.
- फ्लेचर पटेलः फ्लेचर पटेल यांनी यावेळी याबाबत स्वःत स्पष्टीकरण दिलं होतं. समीर वानखेडे यांना मी लहानपणापासून ओळखतो. तसंच, एनसीबी चांगलं काम करत असून याचा नवाब मलिकांना त्रास होत आहे, असं फ्लेचर पटेल यांनी म्हटलं होतं.
- नवाब मलिकः ज्या दिवशी क्रुझवर कारवाई झाली त्या दिवशी समीर वानखेडे भाजप नेत्याचे नातेवाईक मोहित कंबोज यांना भेटले होते. भाजप नेत्यांच्या नातेवाईकांच्या दबावामुळं त्यांनी काही जणांना सोडून दिलं होतं. तसंच, वानखेडे यांनी आठ नाही तर ११ आरोपी पकडले होते, असा आरोप नवाब मलिक यांनी केला होता.
- समीर वानखेडे– एनसीबी कोणाच्याही दबावाखाली काम करत नाही. क्रुझवर झालेल्या कारवाईत त्यादिवशी १४ लोकांना ताब्यात घेतलं होतं. त्यातील ६ लोकांना सोडून देण्यात आलं होतं. कारण, त्यांचा या प्रकरणाशी काहीही संबंध नव्हता.
- नवाब मलिकः एनसीबीने क्रुझवर केलेल्या कारवाईत दोन बाहेरील व्यक्तीदेखील सहभागी होत्या. त्यातील एक केपी गोसावी आणि दुसरा मनीष भानुशाली होते. केपी गोसावी यांच्या चॅटिगच्या आधारे एफआयआर दाखल करण्यात आली आहे. तर, भानुशाली भाजपचे नेते आहेत.
- समीर वानखेडे– या आरोपांवर समीर वानखेडे आणि एनसीबीकडून स्पष्टीकरण देण्यात आलं होतं. ते दोन्ही लोक एनसीबीचे अधिकारी नसून पंच साक्षीदार आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : nawab malik has been targeting sameer wankhede continuously on thursday he replied to each allegation of malik
Marathi News from Maharashtra Times, TIL Network
Marathi News from Maharashtra Times, TIL Network