दोन महिन्यांपूर्वी विवाह, १७ वर्षीय तरुणानं छानछौकीसाठी पत्नीला विकलं


हायलाइट्स:

  • आरोपी पती केवळ १७ वर्षांचा
  • पैशांसाठी २४ वर्षीय पत्नीला विकलं
  • ५५ वर्षीय व्यक्तीसोबत केला पत्नीचा सौदा

बोलांगीर : ओडिशात एक धक्कादायक घटना उघडकीस आलीय. दोन महिन्यांपूर्वी विवाह करणाऱ्या १७ वर्षीय तरुणानं मौजमजेसाठी आपल्या पत्नीला विकल्याची घटना समोर आल्यानंतर पोलिसांनाही धक्का बसलाय. पोलिसांनी आरोपी पतीला अटक करून पीडित तरुणीला राजस्थानातून ताब्यात घेतलंय.

पोलिसांनी दिलेल्या माहितीनुसार, अल्पवयीन आरोपी सोशल मीडियाच्या माध्यमातून एका २४ वर्षीय तरुणीच्या संपर्कात आला होता. प्रेमसंबंध जुळल्यानंतर कुटुंबीयांच्या परवानगीनं दोघांनी पारंपरिक पद्धतीनं विवाह केला.

मात्र, विवाहानंतर अवघ्या दोन महिन्यांत तरुणानं आपल्या पत्नीला आपल्यासोबत रायपूरला येण्यासाठी सांगितलं. आर्थिक समस्या निर्माण झाल्यानं वीटभट्टीवर एकत्र काम करू आणि एकत्र राहू असं म्हणत, तरुणानं आपल्या पत्नीची संमती मिळवली. परंतु, रायपूरऐवजी तो आपल्या पत्नीला घेऊन राजस्थानच्या एका गावात पोहचला.

रायपूर आणि झाशी मार्गानं हे दाम्पत्य राजस्थानला पोहचलं. इथं तरुणाला नवी नोकरीही मिळाली. मात्र अधिक पैसे कमावण्यासाठी तरुणानं एका ५५ वर्षीय व्यक्तीसोबत आपल्या पत्नीचा सौदा केला. १ लाख ८० हजार रुपयांत आपल्या पत्नीला या व्यक्तीला विकून तरुणानं पैसे मिळवले.

या पैशांपैंकी बरेचसे पैसे तरुणानं छानछौकीसाठी आणि चमचमीत खाण्यासाठी वापरले. तसंच या पैशांतून त्यानं एक स्मार्टफोनही खरेदी केला.

lamkhaga pass trekking : लिमखागा पासवर ट्रेकिंगला गेलेल्या १७ पैकी ११ गिर्यारोहकांचा मृत्यू, २ अद्याप बेपत्ता
car accident : दोन ट्रकमध्ये दबली गेली SUV, ८ जणांचा जागीच मृत्यू

आपली पत्नी कुणाव्यक्तीसोबत पळून गेल्याचा कांगावा करत या तरुणानं आपल्या वडिलांना ओडिशाला बोलावून घेतलं. दुसरीकडे, तरुणाच्या बोलण्यावर पत्नीच्या कुटुंबीयांचा विश्वास बसला नाही. तरुणानं रचलेल्या कथेवर विश्वास न ठेवता त्यांनी पोलिसांत तक्रार दाखल केली.

यानंतर पोलिसांच्या तपासात तरुणाचे कॉल डिटेल्स समोर आले. तसंच तरुणानं रचलेल्या कथेत अनेक त्रुटीही पोलिसांना आढळून आल्या. यानंतर ओडिशातल्या बोलांगीरचे पालीस निरीक्षक नितीन कुसाळकर यांनी एक टीम गठीत केली.

ओडिशातील पोलिसांची टीम राजस्थानमध्ये पोहचल्यानंतर त्यांना ग्रामस्थांच्या विरोधाला सामोरं जावं लागलं. ग्रामस्थांनी पोलिसांचा रस्ताही अडवून धरला. संबंधित ५५ वर्षीय व्यक्तीनं मुलीला १ लाख ८० हजारात खरेदी केल्याचं सांगितलं. मात्र, कसंबस पोलिसांनी मुलीला तिथून जवळच्याच पोलीस स्टेशनमध्ये घेऊन जाण्यात यश मिळवलं.

पीडित मुलीनं आई-वडिलांकडे परत जाण्याची इच्छा व्यक्त केल्यानंतर पोलिसांनी तिला तिच्या घरी पोहचण्यास मदत केली.

पोलिसांनी आपला खाक्या दाखवल्यानंतर तरुणानं आपलं तोंड उघडलं. तसंच पत्नीला विकल्याचं त्यानं कबूल केलं. अल्पवयीन तरुणाला पोलिसांनी शुक्रवारी न्यायालयासमोर हजर केलं. न्यायालयानं या तरुणाला बालसुधारगृहात पाठवण्याचे आदेश दिलेत.

जम्मू काश्मीर : शहिदाच्या पत्नीला अमित शहांकडून थेट नियुक्तीपत्र!
Amarinder Singh: पंजाबमध्ये माजी मुख्यमंत्र्यांच्या पाकिस्तानी गर्लफ्रेंडची चर्चा



Source link

Leave a Reply

Your email address will not be published. Required fields are marked *

%d bloggers like this: