सादिक खाटीक यांना महामंडळावर संधी द्या – सुमित्र माडगूळकर यांची खा शरद पवारांकडे मागणी

सादिक खाटीक यांना महामंडळावर संधी द्या – सुमित्र माडगूळकर यांची शरद पवारांकडे मागणी

पुणे ,दि.२७ /प्रतिनिधी – सांगली जिल्ह्यातील आटपाडीचे सर्वस्पर्शी, सर्वप्रिय व्यक्तीमत्व सादिक पापामियाँ खाटीक यांना महामंडळावर संधी द्या, अशी मागणी ग.दि.माडगुळकर – व्यंकटेश माडगुळकर यांचे नातू सुमित्र श्रीधर माडगूळकर पुणे यांनी राष्ट्रीय नेते खासदार शरद पवार यांच्याकडे ईमेलद्वारे केली आहे .

  राज्याचे उपमुख्यमंत्री अजित पवार,जलसंपदा मंत्री राष्ट्रवादी प्रदेशाध्यक्ष जयंत पाटील,खासदार सुप्रियाताई सुळे यांनाही याबाबत ईमेल पाठविण्यात आला आहे .

माणदेशी आटपाडीचे चतुरस्त्र,अष्टपैलू पत्रकार, कला, क्रीडा, सांस्कृतीक, साहित्य इत्यादी अनेक क्षेत्रात ३८ वर्षापासून कार्यरत असणारे व्यक्तीमत्व सादिक पापामियाँ खाटीक हे होत असे स्पष्ट करून सुमित्र माडगूळकर यांनी , सादिक खाटीक यांनी ३२ वर्षे गाजविलेली पत्रकारीता , त्यातील अनेक राज्यस्तरीय पुरस्कार, मानपत्राने झालेला त्यांचा गौरव,आकाशवाणी सांगली वरून सादर केलेली असंख्य विकासपत्रे,एबीपी माझा मराठी न्युज चॅनेल मुंबईचे संपादक राजीव खांडेकर, ग्राहक संरक्षण न्यायालयाचे माजी न्यायाधीश ॲड.एम. डी.देशमुख,अखिल भारतीय मराठी पत्रकार परिषदेचे प्रदेश उपाध्यक्ष,दै.तरुण भारत बेळगांव सांगलीचे सहसंपादक शिवराज काटकर, दिवंगत माजी आमदार ॲड.जयंत सोहनी, माजी प्राचार्य डॉ.श्रीपाद जोशी,शिक्षक नेत्या डॉ.स्वाती शिंदे पवार आदी राज्यातील १६ मान्यवरांनी खास लेख प्रसिद्ध करून सादिक खाटीक यांचा केलेला गौरव सादिक खाटीक यांच्या व्यक्तीमत्वाची साक्ष देतो असे या ईमेल मध्ये म्हटले आहे .

 थोर साहित्यीक रा.चिं .ढेरे यांच्या "शिखर शिंगणापूरचा शंभू महादेव . या संदर्भ ग्रंथात सादिक खाटीक यांच्या लिखाणाचा अनेक ठिकाणी आलेला संदर्भ, शिवसेनेचे राष्ट्रीय प्रवक्ते, दैनिक सामनाचे कार्यकारी संपादक खासदार संजय राऊत यांच्यासह अनेक मान्यवरांकडून घेतली जाणारी दखल हीच सादिक खाटीक यांच्या आयुष्याची कमाई आहे . 

   एस.टी. महामंडळ, पर्यटन महामंडळ, कृष्णा खोरे महामंडळ, वीज महामंडळ वगैरे पैकी कोणत्याही महामंडळावर सादिक खाटीक यांना संधी दिल्यास, उपेक्षित आटपाडी तालुक्याचा आणि माणदेशाचा गौरव होवू शकतो. शेतीच्या पाण्यासाठी सतत लिखाण, भाषणे, आंदोलनाच्या माध्यमातून शेतकरी कष्टकरी वर्गास न्याय मिळवून देण्यात आयुष्य खर्ची घातल्याने शेतकरी कष्टकरी वर्गास तर साहित्य,कला, क्रीडा, सांस्कृतीक क्षेत्रात ही त्यांच्या निवडीने अत्यानंद होवू शकतो.या सर्व गोष्टींचा विचार करून सादिक खाटीक यांच्या रूपाने आटपाडी तालुक्याचा गौरव करावा अशी विनंती या ईमेलद्वारे सुमित्र माडगुळकर यांनी केली आहे .

Leave a Reply

Your email address will not be published. Required fields are marked *

%d bloggers like this: