IND vs NZ: न्यूझीलंडविरुद्ध विजयासाठी भारतीय संघात होणार ३ बदल; पाहा अशी असेल टीम इंडिया


दुबई: आयसीसी टी-२० वर्ल्डकप स्पर्धेत भारताची दुसरी लढत आज रविवारी न्यूझीलंडविरुद्ध होणार आहे. दोन्ही संघातील ही लढत दुबईच्या आंतरराष्ट्रीय स्टेडियमवर होणार असून जो संघ विजय मिळवेल त्याचे आव्हान कायम राहील.

वाचा- भारतीय संघाला मिळाली गुड न्यूज; न्यूझीलंडविरुद्धच्या विजयासाठी…

भारत आणि न्यूझीलंड या दोन्ही संघांनी पहिली लढत गमावली आहे. त्यामुळे त्यांना या लढतीत विजय गरजेचा आहे. या दोन्ही संघांना पाकिस्तानने पराभूत केले होते. न्यूझीलंडविरुद्ध भारताचा कर्णधार विराट कोहली अंतिम ११ मध्ये काही बदल करू शकतो. पाक विरुद्ध खराब कामगिरी करणाऱ्या सूर्यकुमार यादव आणि हार्दिक पंड्या यांच्या जागी अन्य खेळाडूंना संधी मिळू शकते तर वरुण चक्रवर्तीला बाहेर बसवले जाऊ शकते.

वाचा- न्यूझीलंडविरुद्ध इतिहास घडवायचा असेल तर, भारताला ‘या’ पाच गोष्टी

न्यूझीलंडविरुद्ध सलामीवीर म्हणून रोहित शर्मा आणि केएल राहुल यांची जोडी मैदानात उतरले. पाकिस्तानविरुद्ध ही जोडी अपयशी ठरली होती. आता मात्र त्यांना सिद्ध करून दाखवावे लागणार आहे. रोहितने ११२ सामन्यातील १०४ डावात २ हजार ८६४ धावा तर राहुलने ५० सामन्यातील ४६ डावात १ हजार ५६० धावा केल्या आहेत. मधळ्याफळीत रोहित शर्मा, इशान किशन आणि ऋषभ पंत यांच्यावर जबाबदारी असेल. गेल्या सामन्यात विराटने भारताचा डाव सावरला होता. या सामन्यात सूर्यकुमारच्या जागी इशान किशनला संधी दिली जाऊ शकते. पाचव्या क्रमांकावर पंत फलंदाजीला येईल. त्याने पाक विरुद्ध ३० चेंडूत ३९ धावा केल्या होत्या.

वाचा- धावा करता येत नाही म्हणून कर्णधाराने मैदान सोडले; पाहा टी-२० वर्ल्डकपमधील प्रकार

ऑलराउंडर म्हणून रविंद्र जडेजा आणि शार्दूल ठाकूर यांचे स्थान पक्के वाटत आहे. हार्दिक पंड्याच्या जागी शार्दूलला संधी दिली जाईल असे दिसते. गोलंदाजीत भुवनेश्वर कुमारला वगळण्याची चर्चा सुरू आहे. त्याला वगळले तर आर अश्विनला संधी मिळू शकते. अश्विनकडे अनुभव आहे, त्याच बरोबर न्यूझीलंडविरुद्ध त्याची कामगिरी चांगली झाली आहे. टी-२० वर्ल्डकपमध्ये भारताकडून सर्वाधिक विकेट घेणारा तो गोलंदाज आहे.

वाचा- जर न्यूझीलंडविरुद्ध पराभव झाला, तर टीम इंडिया सेमी फायनलमध्ये जाणार का?

असा असू शकतो भारताचा अंतिम संघ

रोहित शर्मा, केएल राहुल, विराट कोहली, इशान किशन, ऋषभ पंत, रविंद्र जडेजा, शार्दूल ठाकूर, भुवनेश्वर कुमार, जसप्रीत बुमराह, मोहम्मद शमी आणि रविंद्र जडेजा



Source link

Leave a Reply

Your email address will not be published. Required fields are marked *

%d bloggers like this: