फडणवीसांवरील टीकेने भाजप आमदार संतापले; नवाब मलिक यांच्यावर केली बोचरी टीका


हायलाइट्स:

  • भाजप आमदार अतुल भातखळकर आणि श्वेता महाले यांची नवाब मलिकांवर बोचरी टीका.
  • हाती पुरावे असतील तर कोर्टात जा की?, नाही तर वर्गणी काढून यांना वेड्याच्या हॉस्पिटलमध्ये तरी दाखल करा- भातखळकर.
  • देवेंद्र फडणवीस यांच्यावर नवाब मलिक यांच्या सारख्यांनी केलेले आरोप म्हणजे चोराच्या उलट्या बोंबा- महाले.

मुंबई: विधानसभेचे विरोधी पक्षनेते देवेंद्र फडणवीस (Devendra Fadnavis) यांच्यावर ड्रग्ज माफियांशी संबंध असल्याचा अल्पसंख्याक विकास मंत्री नवाब मलिक (Nawab Malik) यांनी खळबळजनक आरोप केल्यानंतर आता मलिक विरुद्ध भाजप असा सामना सुरू झाला आहे. मलिक यांच्या या आरोपानंतर आता भाजपचे नेते मलिकांवर निशाणा साधू लागले आहेत. भाजप आमदार अतुल भातखळकर (Atul Bhatkhalkar) यांनी मलिकांवर टीका करताना त्यांना वेड्यांच्या रुग्णालयात नेण्याचा सल्ला दिला असून भाजप आमदार श्वेता महाले (Shweta Mahale) यांनीही मलिकांवर हल्लाबोल केला आहे. (bjp mla atul bhatkhalkar and mla shweta mahale criticize minister nawab malik)

आमदार अतुल भातखळकर यांनी ट्विट करत मलिकांवर निशाणा साधला आहे. भातखळकर आपल्या ट्विटमध्ये म्हणतात, नबाब मलिक रोज डोक्यात वारा शिरल्यासारखं बरळतायत. हाती पुरावे असतील तर कोर्टात जा की?, नाही तर वर्गणी काढून यांना वेड्याच्या हॉस्पिटलमध्ये तरी दाखल करा. इतकेच नाही, तर नवाब मलिक हा जावयामुळे वेडा झालेला जगातला पहिला सासरा असल्याची खोचक टीकाही भातखळकर यांनी केली आहे.

क्लिक करा आणि वाचा- महाविकास आघाडीला मोठा धक्का; अनिल देशमुखांना ६ नोव्हेंबरपर्यंत ईडी कोठडी

‘राऊत खरं बोलत नाहीत’

भातखळकर यांनी शिवसेनेते खासदार संजय राऊत यांच्यावरही टीकास्त्र सोडले आहे. बाळासाहेब ठाकरे असोत, उद्धव ठाकरे असोत किंवा मग शरद पवार असोत, आमच्या नेत्यांनी आम्हाला राजकारणात पातळी ओलांडायची नाही हे शिकवलं आहे, असे वक्तव्य राऊत यांनी केले होते. याच वक्तव्यावर भातखळकर यांनी टिप्पणी केली आहे. संजय राऊत हा माणूस एकमद भला आहे, प्रॉब्लेम एकच, कधीच खरं बोलत नाहीत, अशी खोचक टीका भातखळकर यांनी राऊत यांच्यावर केली आहे.

क्लिक करा आणि वाचा- ‘तुम्ही कधी तुरुंगात जाणार त्या तारखा आम्ही सांगू’; संजय राऊत विरोधकांवर बसरले

आमदार श्वेता महालेंचीही टीका

भाजपच्या आमदार श्वेता महाले यांनीही ट्विट करत नवाब मलिक यांच्यावर टीकेचे प्रहार केले आहेत. नवाब मलिक आपण आरोप करताना कुणावर करतोय एवढे तरी भान ठेवावे. आज वसुबारस, यानिमित्ताने एवढेच म्हणावेसे वाटते ,’कावळ्याच्या शापाने गाई गुर मरत नसतात.’

आणखी एका ट्विटमध्ये त्या म्हणतात, ‘महाराष्टाच्या सर्वात यशस्वी मुख्यमंत्र्यांपैकी एक असलेल्या देवेंद्र फडणवीस यांच्यावर नवाब मलिक यांच्या सारख्यांनी केलेले आरोप म्हणजे चोराच्या उलट्या बोंबा आहेत. जावई बापू ड्रग्ज प्रकरणात अटकेत असल्याने नवाब मियाँना ड्रग्जची कावीळ झाली आहे. मेंदू व तब्येत तपासून घ्या.’

क्लिक करा आणि वाचा- ‘आमच्याही हातात दगड असू शकतात’; खासदार संजय राऊत यांचा भाजपला इशारा



Source link

Leave a Reply

Your email address will not be published. Required fields are marked *

%d bloggers like this: