सेव्ह HND च्या ऐतिहासिक विजयाचा उत्सव : पिंछी परिवर्तन व धर्मोदय वर्षायोग कलश निष्ठापना सोहळा पुण्यात
आचार्य श्री गुप्तिनंदीजी यांच्या मार्गदर्शनाखाली HND होस्टेल पुनः जैन समाजाच्या ताब्यात – एकता,कृती आणि पराक्रमाचा अद्वितीय नमुना
पुणे / ज्ञानप्रवाह न्यूज,दि.२७/११/२०२५ : आचार्य श्री गुप्तिनंदीजी गुरुदेव ससंघ यांच्या प्रेरणेने आणि नेतृत्वाखाली जैन समाजाच्या अमूल्य धरोहर असलेल्या H.N.D. जैन बोर्डिंग, पुणे ला समाजाच्या ताब्यात पुनः मिळवण्याचा ऐतिहासिक विजय साध्य झाला.गुरुदेवांच्या अद्वितीय दूरदृष्टी, अथक प्रयत्न आणि अप्रतिम साहसामुळे हा विजय शक्य झाला असून यामुळे जैन समाजात आनंदाचे वातावरण आहे.
गुरुदेवांनी देशभरातील विविध पंथ,धर्म, शासन–प्रशासन आणि समाजातील तरुणांना एकाच जैन ध्वजाखाली एकत्र आणत एकतेचे महान उदाहरण स्थापित केले आहे.युवावर्गात नवी ऊर्जा जागृत करून समाजाच्या हितासाठी सामूहिक नेतृत्वाची प्रेरणा दिली.
सेव्ह HND कृती समिती व सकल जैन समाजातील सर्व सदस्यांच्या सक्रिय सहभागामुळे ही ऐतिहासिक कामगिरी साध्य झाल्याचे सांगण्यात आले. सर्वांच्या योगदानाबद्दल मनःपूर्वक कृतज्ञता व्यक्त करण्यात आली.या निमित्ताने पिंछी परिवर्तन आणि धर्मोदय वर्षायोग कलश निष्ठापन सोहळाही आयोजित करण्यात आला आहे.
दि.29 नोव्हेंबर 2025 शनिवार रोजी दुपारी 1:00 ते 5:00 यावेळेत मुख्य सोहळा व आचार्य श्रींचे आशिर्वचन
त्यानंतर संध्याकाळी 5:00 ते 6:30 पर्यंत महाप्रसादी आहे.HND जैन बोर्डिंग, मॉडेल कॉलनी पुणे येथे या कार्यक्रमाचे आयोजन करण्यात आले आहे.
तरी समाजातील सर्व सदस्यांनी परिवारासह उपस्थित राहण्याचे आवाहन सकल जैन संघ,पुणे–पिंपरी चिंचवड, अचल जैन, विजयकांत कोठारी, महावीर कटारिया, राजेश शाह,मिलिंद फडे यांच्यावतीने करण्यात आले असून हा पवित्र आणि ऐतिहासिक क्षण अनुभवीत पुण्यसंचय करण्याची विनंती करण्यात आली आहे.
