भाजपाच्या संविधान बदलाच्या कुटील डावाविरोधात काँग्रेस रणांगणात- चेतन नरोटे

सोलापूरमध्ये संविधान बचाव महामोर्चा; काँग्रेसचा विराट सहभाग-प्रणिती शिंदे यांच्या मार्गदर्शनाखाली शेकडो कार्यकर्त्यांची उपस्थिती

भाजपाच्या संविधान बदलाच्या कुटील डावाविरोधात काँग्रेस रणांगणात- चेतन नरोटेंची जाहीर हाक संविधान वाचवा, देश वाचवा

सोलापूरमध्ये संविधान बचाव महामोर्चाला काँग्रेसचा जाहीर पाठिंबा

सोलापूर /ज्ञानप्रवाह न्यूज –संविधान बचाव समिती सोलापूरच्यावतीने काढण्यात आलेल्या महामोर्चात काँग्रेस पक्षाने मोठ्या ताकदीने सहभाग नोंदवत जाहीर पाठिंबा दर्शविला.खासदार प्रणिती शिंदे यांच्या मार्गदर्शनाखाली आणि शहर काँग्रेस अध्यक्ष चेतन नरोटे यांच्या नेतृत्वाखाली शेकडो पदाधिकारी व कार्यकर्त्यांनी मोर्चात सक्रीय सहभाग घेतला.

या महामोर्चात माजी आमदार नरसय्या आडम मास्तर, अशोक जानराव,सुभान बनसोडे,जनार्दन शिंदे,राजाभाऊ सोनकांबळे,सच्चिनंद व्हटकर,अशोक आगवणे,रॉकी बंगाळे, गौतम मसालखांब, धर्मेंद्र चंदनशिंवे,मिलिंद प्रक्षाळे यांच्यासह इतर सामाजिक आणि राजकीय संघटनेचे पदाधिकारी कार्यकर्ते सहभागी झाले होते.

संविधानाच्या रक्षणासाठी काँग्रेस पक्ष कटिबद्ध आहे,कारण संविधान हीच आपली ढाल आणि हीच आपली संजीवनी आहे,असे काँग्रेसचे शहराध्यक्ष चेतन नरोटे यांनी आज महामोर्च्यात बोलताना स्पष्ट केले.

चेतन नरोटे म्हणाले की,संविधान हा महान दस्तऐवज असून समाजातील प्रत्येक घटकाचा गरीब,शोषित,वंचितांचे हक्क जपणारे ते एकमेव साधन आहे. समाजातील प्रत्येक व्यक्तीचे अधिकार सुरक्षित राहावेत याची हमी संविधानच देते. त्यामुळे संविधानाचे रक्षण करणे आणि त्यासाठी लढा देणे हे प्रत्येक नागरिकाचे कर्तव्य आहे.आजचा महामोर्चा म्हणजे क्रांतीची चिंगारी पेटली आहे. शांत बसण्याची वेळ नाही. काँग्रेस तुमच्या सोबत आहे.भाजप आणि RSS विरोधकांवर दबावतंत्र, महागाई, बेरोजगारीपासून लक्ष विचलित करण्यासाठी संविधानिक संस्थांचा गैरवापर करत आहेत. नैसर्गिक साधनसंपत्ती उद्योगपतींच्या हाती सोपविणे, बहुजन समाजात जातीय फूट पाडणे, आपल्या समोर आपलेच लोक उभे करणे आणि आता तर आरक्षण संपविण्याचा प्रयत्न करणे ही त्यांच्या इंग्रजकालीन फूट पाडा आणि राज्य करा नीतीचा भाग आहे.आपल्या आशीर्वादाने खासदार प्रणितीताई शिंदे निवडून आल्या असून त्या दिवसरात्र गोरगरीब व वंचितांसाठी काम करत आहेत. काँग्रेस पक्ष आणि खासदार प्रणितीताई शिंदे सतत तुमच्या सोबत आहेत.

भाजपचे काही नेते उघडपणे संविधान बदलण्याची भाषा करत असल्याचा आरोप करताना चेतन नरोटे म्हणाले, संविधान जाळण्यापासून ते फाडण्यापर्यंतचे प्रकार आपण पाहिले.आता संविधान आणि त्यातील मूलभूत अधिकार विशेषतः बहुजन समाजासाठी असलेली आरक्षण व्यवस्था बदलण्याचा घाट घातला जात आहे.ही हुकूमशाही प्रवृत्ती आहे.पण सूरज चांद असेपर्यंत संविधान बदलली जाणार नाही.डॉ बाबासाहेबांनी दिलेले संविधान कधीही कालबाह्य होणार नाही.

एकजुटीचे आवाहन करताना चेतन नरोटे म्हणाले,यांना आपला एकोपा नको आहे, कारण आपण एकत्र आलो तर यांची सत्ता ढळेल.बाबासाहेबांनी शिका,संघटित व्हा आणि संघर्ष करा असा संदेश दिला आहे. त्यानुसारच आता लढण्याची वेळ आली आहे.महामानव डॉ.बाबासाहेब आंबेडकरांनी दिलेलं संविधान बदलण्याचा आणि आरक्षण संपविण्याचा भाजपने कुटील डाव रचला आहे.आता संविधान बदलणाऱ्यांनाच बदलण्याची वेळ आली आहे. संविधान वाचवण्यासाठी संघर्ष अनिवार्य आहे आणि हा लढा आम्ही थांबवणार नाही.

महाराष्ट्रासह देशभरात वाढत्या तणावपूर्ण परिस्थितीच्या पार्श्वभूमीवर संविधानाच्या रक्षणासाठी घेतलेल्या या उपक्रमाला सोलापूरमधून उत्स्फूर्त प्रतिसाद मिळाला. मोर्चात विविध सामाजिक घटक, संघटना आणि नागरिकांनीही सहभाग नोंदवला.

महामोर्चाचा उद्देश संविधानाची अखंडता, सामाजिक न्याय, समता व अधिकारांचे संरक्षण याबाबत जनजागृती करणे हा होता.काँग्रेस पक्षाने यासाठी ठाम भूमिका घेत मोर्चातील उपस्थितीतून संविधाना बद्दलची बांधिलकी पुन्हा अधोरेखित केली.

या महामोर्चात काँग्रेस पक्षाचे अध्यक्ष चेतन नरोटे,माजी महपौर संजय हेमगड्डी, अरिफ शेख,सुशिलाताई आबुटे, नगरसेवक रियाज हुंडेकरी,महिला अध्यक्ष प्रमिलाताई तुपलंवडे,श्रीशैल रणधिरे, जुबेरभाई कुरेशी,देविदास गायकवाड, अँड केशव इंगळे,मधुकर आठवले,रॉकी बंगाळे, संजय गायकवाड, सागर उबाळे, बंटी चंदनशिवे,गौतम मसालखांब, संध्याताई काळे,संघमित्रा चौधरी,डॉ.मीना गायकवाड,सुभाष वाघमारे,माया कांबळे, लता सोनकांबळे, युवराज जाधव,वाहिद बिजापूरे, लक्ष्मीकांत साका,तिरुपती परकीपडंला,मोहसीन महेंद्रीकर,राजेंद्र शिरकुल,हाजी हारून शेख,शोएब महागामी,एजाज बागवान,ज्ञानेश्वर जाधव, इम्तियाज यादगिर, सुमन जाधव, शुभांगी लिंगराज,सलीम शेख,निशा मरोड,छाया हिरवटे,मुमताज तांबोळी,रेखा बिनेकर,रोहिणी गायकवाड ,अनिता भालेराव, मल्लेश सूर्यवंशी,आप्पा सलगर शिवाजी साळुंखे, मल्लेश सूर्यवंशी, नागनाथ शावणे,समीर बिजापूरे,पप्पू गारे,संजय गायकवाड, बालाजी जाधव,सुनील डोळसे,सन्नी जाधव,सुनीता गायकवाड, उमेश गाडे,साई शिंदे आदी पदाधिकारी आणि कार्यकर्ते उपस्थित होते.