sakshi dabhekar fights: ‘ती’ लढाई जिंकते आहे?; दरड दुर्घटनेत जीवाची बाजी लावून मुलाला वाचवताना गमावला होता पाय


हायलाइट्स:

  • धाडसी साक्षी दाभेकरने दरड दुर्घटनेत वाचवला होता चिमुकल्याचा जीव.
  • यात तीने गमावला होता आपला उजवा पाय.
  • आज साक्षीला अपंगत्व प्रमाणपत्र देण्यात आले.

पोलादपूर: २२ जुलै रोजी अतिवृष्टीमुळे पोलादपूर तालुक्यातील केवनाळे गावचा डोंगर कोसळून पायथ्याशी असलेली सहा घरे दरडीखाली गाडली गेली. या भीषण दुर्घटनेत पाच जणांचा दरडीखाली अडकून मृत्यू झाला होता. साक्षी दाभेकर ही सुद्धा एका घरात दोन वर्षीय मुलीचा सांभाळ करीत होती. त्या घरावरही दरड कोसळली असताना दोन वर्षांच्या मुलासह स्वतःचा जीव वाचविण्यासाठी खिडकीतून बाहेर उडी मारली. त्याचवेळी घराची भिंत तिच्या पायावर पडली. भिंत पायावर पडूनही साक्षी हिने प्रसंगावधान दाखवून दोन वर्षीय मुलाचा जीव वाचविला. मात्र, यावेळी तिला आपला पाय गमवावा लागला. आज जिल्हा शल्यचिकित्सक डॉ. सुहास माने यांनी साक्षीला ६० टक्के अपंगत्वाचे प्रमाणपत्र दिले. तेव्हा उपस्थितांचा ऊर अभिमानाने भरून आला. (raigad news sakshi dabhekar who saved the life of a child regardless of her life was given a disability certificate)

क्लिक करा आणि वाचा- पाहा फोटो: राष्ट्रपती कोविंद यांची किल्ले रायगडाला भेट, केले शिवछत्रपतींना अभिवादन

पोलादपूरची क्रीडापटू म्हणून प्रसिद्ध असलेल्या साक्षी हिच्यावर मुंबई येथे केईएम रुग्णालयात उपचार सुरू होते. साक्षीला मदत करण्यासाठी शासनाकडून, राजकीय नेत्यांकडून आणि इतर सामाजिक संस्थाकडून हात पुढे केला गेला. मात्र, तिचा पाय एक उजवा पाय डॉक्टर वाचवू शकले नाहीत. या दुर्घटनेत तिचा उजवा पाय निकामी झाल्यामुळे तो कापावा लागला होता.

दरड दुर्घटनेत साक्षी हिला अपंगत्व आले. यानंतर तिने जिल्हा सामान्य रुग्णालयात अपंगत्व प्रमाणपत्रासाठी प्रस्ताव सादर केला होता. त्यानुसार आज जिल्हा सामान्य रुग्णालयात सर्व प्रक्रिया पूर्ण केल्यानंतर जिल्हा शल्यचिकित्सक डॉ सुहास माने याच्या हस्ते प्रमाणपत्र देण्यात आले. यावेळी तिचे कुटुंबीय आणि डॉक्टर उपस्थित होते.

क्लिक करा आणि वाचा- मुंबईच्या दोन महिला पर्यटक पॅरासेलिंग करत असताना दोर तुटला अन्…

मुंबईच्या महापौर किशोरी पेडणेकर व आरोग्य समितीच्या अध्यक्ष राजूल पटेल यांनी केईएम रुग्णालयात जाऊन साक्षीची भेट घेतली होती. यावेळी पेडणेकर व पटेल यांनी वैयक्तिक एक लाख रुपयांची मदत केली होती. शिवसेनेचे नगरसेवक अनिल कोकिळ यांनीही २५ हजार रुपयांचा धनादेश दिला होता. ‘ज्याप्रमाणे हिमतीने तू बाळाला वाचविले आहेस, तीच हिम्मत तू आताही कायम ठेव. तुझ्यावर केईएम रुग्णालय संपूर्णपणे मोफत उपचार करणार असून प्रारंभी जयपूर फुट व त्यानंतर बारा लाख रुपये खर्च करून जर्मनीच्या ऑटोबोक कंपनीचे सारबो रबर पाय मोफत बसविणार आहे’, असे महापौर पेडणेकर यांनी म्हटले होते. त्यानंतर साक्षीला सारबो रबरचा पाय मोफत बसण्यात आला.

क्लिक करा आणि वाचा- ‘शिवसेना बॅक टू पव्हेलियन येऊ शकते’; रामदास आठवलेंच्या वक्तव्यामुळे चर्चा



Source link

Leave a Reply

Your email address will not be published. Required fields are marked *

%d bloggers like this: