गुजराती रुखी समाज बहुउद्देशीय सामाजिक संस्थेच्यावतीने दहावी बारावी उत्तीर्ण विद्यार्थ्यांचा सन्मान सोहळा संपन्न

पंढरपूर गुजराती रुखी समाज बहुउद्देशीय सामाजिक संस्थेच्या वतीने दहावी बारावी उत्तीर्ण विद्यार्थ्यांचा सन्मान सोहळा संपन्न

पंढरपूर / ज्ञानप्रवाह न्यूज,दि.1/7/2024 – आज दि.1/7/2024 रोजी शैक्षणिक वर्ष 2023 24 मध्ये उत्तीर्ण झालेल्या विद्यार्थ्यांचा सन्मान सोहळा संतपेठ गुजराती कॉलनी येथे संपन्न झाला . या कार्यक्रमाचे प्रमुख पाहुणे म्हणून प्रा.डॉ.अमर कांबळे विभाग प्रमुख प्राणीशास्त्र विभाग के.बी.पी कॉलेज,पंढरपूर हे लाभले होते.समाज अध्यक्ष गुरु दोडिया, उपाध्यक्ष काशिनाथ सोलंकी, माजी अध्यक्ष किसन लल्लू मेहडा, आदित्य मेहडा, सुरेश सोलंकी,गोकुळ वाघेला आदी उपस्थित होते.

यावेळी कांबळे सर व उपस्थित मान्यवरांच्या हस्ते कु.तुलसी यशवंत वाघेला,यशोदा गोकुळ वाघेला, रोनक छगन पुरबिया, वैशाली विक्रम सोलंकी ,मानसी अंबादास गोयल यांचा प्रमाणपत्र व पुष्पगुच्छ देऊन सन्मान करण्यात आला.

यावेळी समाजाचे अध्यक्ष गुरु दोडिया, काशिनाथ सोलंकी, प्राध्यापक कैलास मेहडा, गुजराती रुखी समाज शैक्षणिक कमिटीचे अध्यक्ष योगेश मेहडा यांनी व्यक्त केले.

प्रा.डॉ.अमर कांबळे यांनी मनोगतात विद्यार्थ्यांना अभ्यास कशाप्रकारे करायचा दहावी-बारावी नंतर काय करायचे याबद्दल मार्गदर्शन केले.आपण पणं डॉक्टर, जिल्हाधिकारी, तहसीलदार ,प्रांतधिकारी का होऊ शकत नाही? याबाबत आपले ध्येय धोरण कशा पद्धतीने असावे यावरही मार्गदर्शन केले. आपले आई-वडिल साफ सफाईचे काम करून आपल्याला शिक्षण देत आहे तर या शिक्षणाचे चीज व्हायला पाहिजे. अनेक थोर महापुरुषांचे विचार उदाहरण देऊन प्रा.कांबळे सर यांनी विद्यार्थ्यांचे मनोबळ वाढवून मार्गदर्शन केले.शेवटी सरांनी आयोजकांना असे कार्यक्रम वारंवार घेत जावा आपल्याला काही मदत पाहिजे असली तर मी नक्कीच ती मदत मी करणार आहे असे आश्वासनही त्यांनी दिले.

या कार्यक्रमाचे सूत्रसंचालन महेश गोयल प्रास्ताविक जितेश वाघेला यांनी केले.आभार प्रदर्शन दीपक वाघेला यांनी केले.हा कार्यक्रम यशस्वी होण्याकरिता नितीन मेहडा, अनिल मेहडा, हरीष दोडिया यांनी परिश्रम घेतले. यावेळी कॉलनीतील विद्यार्थी व विद्यार्थ्यांचे पालक मोठ्या संख्येने उपस्थित होते.