अवघ्या १२ तासाचे आत खुनाचा गुन्हा उघड करण्यात पालघर पोलीसांना यश
पालघर /ज्ञानप्रवाह न्यूज,दि.२१/०५/२०२५- दि.२०/०५/ २०२५ रोजी सकाळी ०६.१५ वाजण्याचे सुमारास यातील फिर्यादी विपुल दशरथ धोदडे,वय २८ वर्षे,रा. वावे- डोंगरी पाडा, ता.जि.पालघर यांची आत्या रवु रामचंद्र कामडी, वय ७० वर्षे ही वावे- डोंगरीपाडा येथील समाज मंदिरात झोपलेली असतांना तीला कोणीतरी अज्ञात इसमाने अज्ञात कारणावरुन कोणत्यातरी हत्त्याराने तिचे तोंडावर हनुवटीचे खाली वार करुन गंभीर दुखापती करुन तिचा गळा आवळुन तीला जिवेठार मारले आहे. याबाबत तारापुर पोलीस ठाणे गु.र.नं. २७/२०२५ बी.एन.एस. कलम १०३ (१) प्रमाणे दि. २०/०५/२०२५ रोजी १४.४३ वाजता गुन्हा दाखल आहे.
सदर गुन्ह्याचे गांर्भीय लक्षात घेता पोलीस अधीक्षक बाळासाहेब पाटील पालघर यांनी स्थानिक गुन्हे शाखा पालघर व तारापुर पोलीस ठाणे कडील पोलीस अधिकारी व अमंलदार यांचे वेगवेगळी पथके तयार करुन त्यांना सदर गुन्हा उघडकीस आणण्याबाबत मार्गदर्शन केले. त्याअनुषंगाने स्थानिक गुन्हे शाखा पालघर कडील पोलीस अधिकारी व अमंलदार यांनी गुन्ह्याचे घटनास्थळी भेट देवून गुन्ह्याची माहिती घेवुन फिर्यादी व साक्षीदारांकडे विचारपूस करुन बातमीदारांचे मदतीने माहिती मिळवुन तसेच तांत्रीक माहितीचे आधारे सदर गुन्ह्यातील संशायीत इसम अंकेश विलास सवरे, वय २२ वर्षे,रा. वावे डोंगरीपाडा.परनाळी ता.जि.पालघर यांस ताब्यात घेवुन त्याचेकडे सखोल चौकशी केली असता यातील मयत ही त्याचे आईशी भांडण करुन त्रास देत असल्याचे मनात राग धरुन सदरचा गुन्हा केल्याची कबुली दिल्याने त्यास सदर गुन्ह्यात दि. २०/०५/२०२५ रोजी अटक करण्यात आली आहे.यातील आरोपीत याने मयतावर अतिप्रसंग केल्याचा संशय असुन सदर गुन्ह्याचा पुढील तपास उप विभागीय पोलीस अधिकारी विकास नाईक बोईसर विभाग हे करीत आहेत.
सदरची कारवाई ही पोलीस अधीक्षक बाळासाहेब पाटील पालघर,अपर पोलीस अधीक्षक विनायक नरळे पालघर, उप विभागीय पोलीस अधिकारी विकास नाईक, बोईसर विभाग, पोलीस निरीक्षक स्थानिक गुन्हे शाखा प्रदिप पाटील पालघर, पो.उ.नि. रोहीत खोत,पो.उ.नि.गोरखनाथ राठोड, पोहवा विजय ठाकुर, पोहवा संजय धांगडा, पोना कल्याण केंगार, पोअमं प्रशांत निकम, पोअमं वैभव जामदार सर्व नेमणुक स्थानिक गुन्हे शाखा पालघर तसेच स.पो.नि.निवास कणसे, पो.ना.मनोज अंभीरे नेमणुक तारापुर पोलीस ठाणे यांनी उत्कृष्टरित्या पार पाडली आहे.
