मुख्यमंत्री देवेंद्र फडणवीस यांच्या वाढदिवसानिमित्त पंढरपूर तालुक्यात वृक्ष लागवड होणार-आ.समाधान आवताडे
सर्व शासकीय कार्यालयांनी पंढरपूर तालुका व शहर परिसरात एकूण 50000 झाडे लावून एक नाविन्यपूर्ण उपक्रम राबवावा – आमदार समाधान आवताडे
पंढरपूर/ज्ञानप्रवाह न्यूज,दि.१३/०८/२०२५- मुख्यमंत्री देवेंद्र फडणवीस यांच्या वाढदिवसानिमित्त पंढरपूर तालुक्यात वृक्ष लागवड करण्याबाबत पंढरपूर-मंगळवेढा मतदारसंघाचे आमदार समाधान आवताडे यांनी दि.१३/०८/२०२५ रोजी पंढरपूर तालुक्यातील सर्व शासकीय कार्यालयप्रमुखांची बैठक तहसील कार्यालय पंढरपूर येथे घेतली.
पंढरपूर तालुक्यातील शासकीय कार्यालयांनी स्वयंस्फूर्तीने वृक्ष लागवड तसेच वृक्षांची जोपासना करावी.वृक्ष लागवडीसाठी सामाजिक वनिकरण विभाग पंढरपूर यांच्यामार्फत मार्फत रोपे पुरविण्यात येणार आहेत तसेच ट्री गार्डची आवश्यकता भासल्यास सामाजिक संस्था अथवा CSR फंड मधून देण्यात येतील असे सूचित केले व उपक्रमांतर्गत सर्व शासकीय कार्यालयांनी पंढरपूर तालुका व शहर परिसरात एकूण 50000 झाडे लावून एक नाविन्यपूर्ण उपक्रम राबवण्याबाबत आमदार समाधान आवताडे यांनी निर्देश दिले.
यानुसार सर्व विभाग प्रमुखांनी रिकाम्या शासकीय जागा, रस्त्याच्या दुतर्फा, तलाव- ओढा परिसर,इरिगेशेन कॅनॉल पट्टी, शासकीय कार्यालय परिसर इत्यादी ठिकाणी वृक्षारोपण करण्याचे नियोजन व आश्वासन आमदार समाधान आवताडे यांना दिले.
या बैठकीसाठी उपविभागीय अधिकारी सचिन इथापे पंढरपूर विभाग पंढरपूर व तहसीलदार सचिन लंगुटे पंढरपूर,सुशील संसारे गटविकास अधिकारी पंचायत समिती पंढरपूर,श्रीमती पूजा अवताडे तालुका भूमि अभिलेख कार्यालय अधिकारी पंढरपूर, विजय पाटील कार्यकारी अभियंता महावितरण पंढरपूर,बी एम मिटकरी उपकार्यकारी अभियंता सार्वजनिक बांधकाम विभाग पंढरपूर,विशाल माने कार्यकारी अभियंता उजनी कालवा विभाग पंढरपूर ,श्रीमती शीतल साठे वनपरिक्षेत्र अधिकारी पंढरपूर, टी वाय मुजावर पोलीस निरीक्षक पंढरपूर तालुका पोलीस ठाणे, श्रीमती रेखा घनवट पोलीस निरीक्षक पंढरपूर ग्रामीण पोलीस ठाणे,सूर्यकांत मोरे तालुका कृषी अधिकारी पंढरपूर,श्रीमती सुवर्ण हाके प्रशासन अधिकारी नगरपरिषद पंढरपूर,राहुल चव्हाण बाल विकास प्रकल्प अधिकारी पंढरपूर,पी.के डोके उपविभागीय जलसंधारणा अधिकारी जिल्हा परिषद लघु पाटबंधारे विभाग पंढरपूर,श्री मोरे गटशिक्षण अधिकारी पंढरपूर आदी उपस्थित होते.
